Pulis giimbargohan sa armas sa PRO7

Pulis nga positibo gihapon sa sa confirmatory test sa Camp Crame gimandoan sa hepe sa Police Regional Office (PRO)7 nga ipatahan na ang iyang armas ug identification card sa Philippine National Police (PNP) samtang ipaubos siya sa summary hearing.

Gikompirmar ni Chief Supt. Robert Quenery nga sa duha nga nag positibo sa kinalit nga drug test usa lang niini ang kumpirmado nga naggamit sa illegal nga drugas.

Ang police ginganlan na ni General Quenery nga si PO3 Geofrey Mulat sakop sa Drug Enforcement Unit sa Lapu-Lapu City Police Office.

Mipagawas usab siya ug kamandoan sa hepe sa LLCPO nga parelibohan sa katungdanan si Mutal ug ibalhin sa Regional Personnel Holding Accounting Unit-7.

Kasong grave misconduct ang atubangon ni Mulat ug posibling matangtang pa sa serbisyo sa mosunod nga mga buwan.

“I directed the city director to disarm his personnel and surrender his badge and ID we will be transferring him this holding area naming para sa summery dismissal proceedings, wala tayong sinasanto dito pagka drugs wala,” matod ni General Quenery.

Matod ni Quenery nga dili siya makapasaylo sa iyang mga sakop kung masuta nga nalambigit ug tiggamitan sa ilegal nga drugas.

Duna pay ilang gi-monitor nga sama kang PO3 Mulat nga kabahin sa ilang target sa internal cleansing dungan sa awhag nga maayong moundang na lang sa trabaho ug pilion ang mahimong adik.

Gawas kang Mulat dunay PNP personnel nga naka-pending pa sa Regional Investigation and Detective Management Division.

Tungod niini mimando siya nga dalion ang resulta sulod ning buwana kay alang niya nahinayan siya sa dagan sa kaso sa maong mga pulis.

Iyang mando bnga sulod sa 60 ka adlaw ipataktak na sa serbisyo ang maong mga pulis.