Viva manawat na og song entries

Nanawat na ang Viva South og mga song

entries sa ilang labing unang online Visayan son writing competition nga gitawag og “Kanta Kasingkasing.”

Ang best 5 Bisaya love songs nga mapili i-produce sa Viva Records ug ipa-interpret sa mga propesyonal nga singer.

Ang grand winner makadawat og P50,000 cash prize samtang ang People’s Choice makadawat og P30,000 cash. Ang dili makadaug makadawat og P5,000.

Alang sa dugang detalye bisitaha ang Facebook page sa Kanta Kasingkasing. Ang deadline sa submission sa mga entry sa Marso 30, 2018.

THE CLASH

Bongga ang “The Clash” singing contest nga i-host ni Regine Velasquez kay lakip sa mamili sa mga contestant nga modayo pa sa mga probinsya mao silang Jay Durias sa South Border ug Vehnee Saturno.

Matod ni Regine atol sa presscon niya sa Pino Restaurant niadtong Sabado nga sa actual competition sa telebisyon, ang molingkod nga mga hurado mao silang Christian Bautista, AiAi delas Alas ug Lani Misalucha.

Ang The Clash makita kadaSabado ug Dominggo sa GMA7 pero wala pa silay petsa kon kanus-a yud magsugod but very soon kuno.

Matod usab ni Regine nga human sa Cebu audition nila niadtong Sabado, duna sad silay himuong audition sa Manila, Iloilo ug Davao.

MGA GONGGONG

Speaking of singing contest,

wa yud ko kauyon aning gong-gong sa Tawag ng Tanghalan sa Showtime.

Niadtong Valentine’s day, gi-gong dili lang usa kundi ang tanan yud nilang contestants. Sa tradisyonal nga singing

contest, ang bagtingan kana ra mang yabag o wala sa tempo o kanang irritating na paminawon.

Pero kanang ma-flat lang o ma-sharp normal ra man na. Ngano i-gong man yud?

Pila na ka higayon nga makakita ko ni Nyoy Volante nga mao intawoy tigpugong ni Rey Valera nga dili i-gong ang contestant.

Niadtong Valentine kay si Jaya man kaha ang nag-punong hurado nga utro sad.

HILAW PA

Di pa yud diay ingon ana kakusog ang loveteam sa ElNella or Elmo Magalona ug Janella Salvador.

Dinhi sa Cebu, ang pelikula nilang Elmo ug Janella gitunga siya sa laing mga salida.

Dili ba pareho sa kadungan nilang “Sin Island” nilang Coleen Garcia ug Xian Lim nga gikan buntag hangtod gabii solo yud nila ang mga dagkong sinehan.

PAUKYAB

Nangutana ko sa National Bookstore niadtong Sabado kon naa na ba silay bali ya sa libro ni Mark Bautista.

Apan wala pa kuno sila abti. Ingon nga sa Valentine’s Day i-release. Puros ra diay ni paukyab ang kampo ni Mark? O basin dunay nagpugong kay involved ang usa ka aktor? /