KAINIT SA ALAB NAGPADAYON
Gilubong ang Formosa Dreamers sa Taiwan, 117-93
Giinat sa host San Miguel Alab Pilipinas ang ilang sunodsunod nga kadaugan ngadto sa walo pinaagi sa paglampornas sa Taiwanese squad Formosa Dreamers, 117-93, sa miaging gabii sa Asean Basketball League (ABL) sa Sta. Rosa Multi-Purpose Complex sa Santa Rosa, Laguna.
Ang Alab Pilipinas mingsaka sa 11-4 nga rekord nga nagpahayag sa ilang poruhan alang sa inilugay sa duha ka automatic semi-final slots.
Gipangulohan ni import Justine Brownlee ang kadaugan pinaagi sa iyang 27 puntos ug 13 rebounds samtang nidugang og 21 puntos ug 14 rebounds ajng laing import nga si Renaldo Balkman.
Sa lokal nga mga sakop sa Alab Pilipinas, si Lawrence Domingo ang labing maayong nakaduwa ug nagpauwan kini’g 16 puntos samtang niamot og 15 puntos si Bobby Ray Parks Jr.
Ang Formosa nakamugna og 5-2 nga labaw sa sayong bahin sa kombati apan human niini, ningdominar na’g sugod ang Alab Pilipinas paingon sa 24 puntos nga kadaugan.
Ang Dreamers, nga natagak sa 1-14 nga rekord, gipangulohan sa ilang import nga si Cameron Forte, kinsa nagpauwan og 29 puntos ug 21 rebounds, samtang nihatag og 20 puntos si Ronnie Aguilar. Puntos matag usa:
San Miguel Alab Pilipinas (117) - Brownlee 27, Balkman 21, Domingo 16, Parks Jr. 15, Hontiveros 11, Sumalinog 11, Urbiztondo 9, Raymundo 3, Javelona 2, Alabanza 2
Formosa (93) - Forte 29, Aguilar 20, Wu 18, Chen 10, Chien 7, Chou 4, Barratt 3, Yang 2.