Reika Ootaka sa Japan Mrs. Tourism 2018
MANILA- Gikoronahan a few days back sa Luxent Hotel ang Haponesang si Reika Ootaka isip Mrs. Tourism Ambassador 2018.
Sila si Dr. Risa Caldoza, Mrs. Tourism International 2017
winner ug ang franchisor sa Mrs. Tourism nga si Ovette Ricalde, ang gibansagan og Mother Of All Pageants ang mitaud sa korona kang Mrs. Japan.
Si Ootaka usa sad ka contestant sa Mrs. Tourism 2017 representing Japan nga gipahigayon sa Pilipinas sa miaging November.
Since gipili si Reika Ootaka isip Mrs. Tourism Ambassador 2018, siya ang gihatagan og gahom sa Mrs. Tourism pinaagi ni Ovette Ricalde nga maoy mamahimong national organizer sa Mrs. Tourism sa Japan.
Andam na si Reika nga sagubangon ang iyang trabaho isip national organizer sa Japan. Base sa press release nga gipangapud-apod sa mga press, ready na si Reika. Ang upat nga iyang mapili hatagan og title, sila sad ang mo-represent sa Japan sa nagkalain-laing competition sa abroad sama sa Mrs. Tourism 2018 sa Pilipinas sa October 28 karong tuiga. Ang ikaduhang title iyang ibangga sa Mrs. International nga pagahimoon sa Singapore sa November 2018. Ang ikatulo, iyang ibangga sa
Mrs. Global United Pageant nga pagahimoon sa Minnesota, USA sa umaabot nga July og ang ika-upat, sa Mrs. Transcontinental 2018 sa Houston Texas. Sa tuig 2019, ang Japan pinaagi ni Madam Reika Ootaka ang mamahimong host country sa Mrs. Tourism 2019.
So, first time kini nga ang Mrs. Tourism ipahigayon sa gawas sa Pilipinas. Niangkon si Reika nga pag-abot sa beauty
pageant, medyo huyang silang mga Hapon, dili kuno pareho sa mga Pinoy nga grabe ang pagka-gusto sa mga beauty contestant og bisan kuno ang press, mas kugihan kunong magsuwat og mga pageant related stories.
Pero pinaagi kang Reika, iyang paningkamutan nga mausab ang perspective sa iyang mga Kababayan. Ang una niyang himoon mao ang i-introduce sa mga Hapon nga ang beauty contest, dili ang para sa mga dalaga ug single, puwede sad kini sa mga minyo ilabi na sa gitawag og empowered woman ./