Administratibong pag-usab sa ngan
Dear Atty. Joan,
Ako si Kupido, na-in love sa akong katrabaho, si Angel. Tuod man, ako siya gipanguyaban, ug nagkakami. Naabot mi ug usa ka tuig nga manag-uyab. Bunga sa among paghinigugmaay, nakabuntis ko niya. Naa ko pag-anak sa bata. Pero usa ka semana, wala nakoy contact niya. Sukad ato, wala nami magkita. Ang dungog nako, gipauli si Angel sa probinsya sa iyang mga ginikanan. Wala ko sa pag-anak sa among baby. Ang gidala nga apiledo sa among anak kay kang Angel. Napulo ka tuig ang milabay, ug nagkita mi ug balik. Ako nahigugma gyapon ni Angel. Sa unang higayon nakakita ko sa among anak, ni-tingsi siya. Lukso ng dugo jud guro ni. Nagminyo mi niadtong February 09, 2018. Karon, nagpuyo nami ug usa ka balay.
Karon, usa najud mi ka malipayon nga pamilya. Apan, gusto ko nga ang gamiton sa akong anak kay ang akoang apilyedo. Isip amahan sa among anak, pwede ba ko ni malihok? Kupido
Dear Kupido,
Oo, pwede nimo pailisan ang apiledo sa inyung anak.
Ang balaod mihatag ug remedyo sa pag-usab sa apiledo sa bata sa administratibo nga pamaagi ug dili kinahanglan nga muagi pa sa korte.
Ang Republic Act 9255 nagmando nga kinahanglan ra mufile ug (1) affidavit of admission of paternity (2) private handwritten instrument (3) affidavit to use surname of father. Kaning tulo ka dokumento, dad-on nimo didto sa Local Civil Registry Office (LCRO) kung asa natawo kini imong anak. Kung ma-usab na kini sa LCRO, kaning dokumentoha i-file sab kini sa National Statistics Office (NSO) para malihok sad ang pag-usab inubanan sa uban pa nga i-require sa NSO.
Pahibalo: Kini opinyon lamang nga nag-base sa inyong lakbit-saysay ug kini pwede nga mausab kun dugang pa nga mapatin-awan ang mga detalye. Kon adunay pa kamoy mga pangutana nga adunay kalabutan sa katungod sa mga bata, mahimo kamong mu-contact sa hotline 0908-896-0355. Atty. Joan