Curry mag-captain gihapon
Nanghinaot si Golden State Warriors guard Stephen Curry nga mahimo gihapon siyang team captain sa bagong format sa National Basketball Association (NBA) All-Star Game sa sunod tuig hilabi na kay ipahigayon kini sa iyang yutang natawhan sa Charlotte.
Sa iyang bahin, si Cleveland Cavaliers forward LeBron James dili ra manumbaling kon adunay mohulip sa iyang luna isip usa sa team captains, depende kon kinsa ang makahakot sa duha ka labing daghang mga boto.
Sa miaging adlaw, ang Team LeBron ningpukan sa Team Stephen, 148-145, sa labing un- ang pagpahigayon sa bag-ong format sa All-Star Game.
Isip team captains, mismong sila si James ug Curry ang nagpulipuli pagpili kon kinsa ang gusto nilang ikauban karong tuiga apan wala kini gipakita sa publiko.
Sa sunod tuig, adunay plano nga ipasalida sa telebisyon ang pagpili sa team captains og mga magduduwa nga ilang ikauban.
“Televise it,” matod ni Toronto Raptors guard DeMar DeRozan, usa sa mga gipili ni Curry sa Team Stephen.
“Give the people what they want to see. I think everybody wants to see it. At the end of the day, every single person that gets picked, you are an All-Star, so it doesn’t matter where you really go, so I think televise it.”
Pagkahuman sa All-Star Game, gibutyag ni James ang han-ay sa iyang pagpili og mga magduduwa alang sa iyang starting unit.
Unang gipili ni James si Kevin Durant dayon sila si Anthony Davis, Kyrie Irving ug DeMarcus Cousins.