MULTA IDOBLE NI OSMEÑA

SA MOSUD SA JUNCTION BOX KON STOP, DI MOHUNONG SA PEDESTRIAN LANE

Gustong ipadoble ni Mayor Tomas Osmeña ang mga administrative penalty sa duha ka traffic violations sa dakbayan sa Sugbo.

Kini samtang nakatutok ang Cebu City Transportation Office (CCTO) sa pagpanakop sa mga driver nga mo-counterflow kansang silot mao ang pag-impound sa ilang sakyanan og 30 ka adlaw.

Sa Facebook post sa mayor, iyang gipahibawo ang gisugdan na og patuman ug gipangdakop na ang mga driver kansang sakyanan mosulod sa junction box panahon sa stop signal sa intersection ug ang pagbulhot sa sakyanan bisan kon adunay molabang sa pedestrian lane.

“FYI, pedestrian lanes and junction boxes are also off-limits. 23 motorcycles, 7 private cars, and one taxi on hold until March 22,” matod ni Osmeña sa iyahang Facebook page.

Apan atol sa press conference kagahapon, ang mayor nibutyag nga di niya ipa-impound ang mga sakyanan nga makalapas inay patas-an ang penalty.

“They (CCTO) asked me if they can push through, but no impounding. So, it’s just the violation. I want to concentrate on the counterflow. We will double the penalty of the violations.”

Si Francisco Ouano nagkanayon nga ang ilang nadakpan ilang gi-release ug gipabayad sa multa nga P500 ang motorsiklo ug sakyanan.

Gipadayag ni Ouano nga dili pa sila makadoble sa penalty sanglit naghuwat pa sila nga adunay mapalabang nga ordinansa sa City Council.

Ang mayor nibutyag nga di pa kini madali sanglit moagi pa kini og taas-taas nga proseso sa di pa hingpit mapatuman sanglit gihulagway ni Osmeña nga mosunod ang mga tawo sa higayon nga ilang mabatyagan ang kasakit sa penalty./

/ FILE ■JUNCTION BOX: Ang mga sakyanan nga mohunong sud sa junction box kon naa sa stop signal ang traffic light sama ning naa sa hulagway, angay nang magbantay kay nimando si Cebu City Mayor Tomas Osmeña nga kini dakpon. Di tuod niya ipa-impound ang...