3-ANYOS GIAPIL SA CYBERSEX
INAHAN GUSTO MAKAKWARTA
■ PAYAG GIRONDA. Mao kini ang payag sa Barangay Looc, dakbayan sa Lapu-Lapu nga gironda kagahapon sa mga sakop sa PNP Women and Children’s Protection Center (WCPC) Visayas Field Unit human gihimong cyber den sa inahan sa iyang tres anyos nga batang lalake.
Usa ka 3-anyos nga batang lalake ang giluwas gikan sa kamot sa iyang kaugalingong inahan sa dihang gigamit alang sa cyber pornography bugti sa kuwarta.
Ang PNP Women and Children’s Protection Center (WCPC) Visayas Field Unit nipahigayon og entrapment ug rescue operation sa Barangay Looc, Lapu-Lapu City kagahapon.
Ang bata biktima sa Online Sexual Exploitation of Children (Osec) kansang nag-abuso niya iya ra usab nga 24-anyos mama. Ang bata iyang bugtong anak sa kapuyo niini.
Base sa inpormasyon as International Justice Mission (IJM) nga sa wa pa ang operasyon nipadala og mga law-ay nga video ang mama nga nihimo og pakighilawas ngadto sa laing mga bata.
Gisubay karon ang ubang mga menor de edad lakip na sa 5 anyos nga babaye nga biktima sab sa maong binuhatan base sa ebidensiya nga nakuha gikan sa dinakpan.
Mga smartphones ug resibo sa money transfer ang nakuha gikan sa inahan diha sa ilang gipuy-an, kini pinasikad nga search warrant nga giluwatan ni Judge Ramon Daomilas Jr. sa RTC Branch 10 nga maoy nag-atiman sa mga kasong Cybercrime.
Atol sa entrapment kagahapon naatlan pa ang mama nga nihimo og law-ay nga binuhatan ngadto sa iyang anak samtang nag-live stream atubangan sa camera.
Hayan mabilanggo sa iyang tibuok kinabuhi ang inahan gumikan sa kasong human trafficking.
“Today’s OSEC operation comes just two days after two operations rescued 13 victims in Biliran and Tacloban and arrested 3 suspects. This is a reminder that there is much progress in the fight against OSEC, and effective law enforcement can rescue and protect traumatized Filipino children across the country,” pamahayag sa IJM Cebu Field Office Director, Atty. John Tanagho. /