Bago midominar sa PSC-Pacquiao Amateur boxing

Nakadugang og tulo ka mga daog ang giilang “Boxing Capital of the Philippines” nga mao ang Bago City aron patigbabawan ang Visayas quarter-finals sa Philippines Sports Commission (PSC)-Pacquiao Amateur Boxing Cup sa miaging adlaw sa Enan Chiong Activity Center sa City of Naga.

Ang mga boksidor sa Bago, nga gigiyahan ni 2000 Sydney Olympian Larry Semillano, miharos pagdaog sa ilang pito ka mga away sa kompetisyon nga gisuportahan sa PSC inabagan ni fighting senator Manny Pacquiao.

“Medyo tsamba lang po at nanalo lahat. Pero talagang pinaghandaan namin ito,” batbat ni Semillano, kinsa gold medalist sa 1997 Jakarta Southeast Asian Games.

Sila si Carlo Guevarra ug Nel Tambanillo parehong niposte og referee-stopped-contest nga kadaugan batok sa ilang tagsatagsa ka kontra.

Samtang si Jasper John Anda wala’y hago nga midaog batok kang Marvin Lucenesio sa Calbayog pinaagi sa walkover.

Ang kadaugan ni Tambanillo batok kang Renz Lee Tevez mao ang mikawat og dakong atensyon. Solidong kumbinbasyon sa mga kumo ang gipauwan ni Tambanillo nga maoy hinungdan nga napugos si Teves pag-undang sa pagsugod sa 3rd round.

“Medyo tsamba lang po at nanalo lahat. Pero talagang pinaghandaan namin ito,” said Semillano, a gold medalist in the 1997 Jakarta Southeast Asian Games.

Ang ubang mga boksidor sa Bago nga unang nakarehistro og kadaugan mao sila si Rodel Gamo, Samuel Manale, Joshua Belicena, ug Flint Jara.

Matod ni Sevillano nga magpadayon ang ilang ensayo alang sa Visayas semi-finals nga gikatakda karong Marso 17 sa Calbayog.