Waterbus sa Abril ilusad, mobiyahe sa mga lungsod sa south, north sa Cebu

Kon usa ka sa apektado sa trapiko kagahapon sa dakbayan sa Sugbo, mao na ni imong gipangita nga solusyon.

Ang waterbus sa Maxboat Marine Corporation gikatakda nga molusad sa ilang duha ka mga waterbus karong Abril dinhi sa Sugbo.

Kining mao nga sakyanan mas dali tungod kay sa dagat mag-agi.

Dugay nang suliran sa southern ug northern Cebu ang pagbiyahe, labina sa mga sakop sa Metro Cebu tungod sa trapiko.

Matod sa Public Relations Officer sa Maxboat Marine Copr., nga si Gino Cabrera nga target nila nga operational na kini sa Sugbo sa umaabot summer o Mayo o Hunyo.

Mobiyahe kini gikan sa pantalan sa dakbayan sa Sugbo paingon sa nagkadaiyang pantalan sa lalawigan sa Sugbo.

Naglakip kini sa pipila ka stops susama sa Talisay, Minglanilla, Naga, Dalaguete, Santander, Liloan, Danao ug Bogo City.

Dugang ni Cabrera nga itandi sa travel time sa bus sa kadalanan, tunga na lang kon mosakay sa waterbus.

Gibutyag usab niya nga duha ka waterbus ilang ilusad nga aduna’y kapasidad nga 70 ug 100 ka tawo, aircon ug dili.

Wa pa hinuon masuta ang plete apan possible nga katunga sa kasamtangan nga pletehan sa bus.

Mogamit na usab ni sila og tap and go nga payment system diin cashless na kay card ang gamit.

Alang sa dugang impormasyon, tan-awa ang Facebook Live sa Superbalita Cebu Facebook Page kagahapon sa buntag.