Priso gipakaon, misuway pag-eskapo

Piniriso nga mitambong sa iyang hearing gipakaon pa sa jail guard apan paghuman og kaon mieskapo ug way suwerti kay nasikop og balik human sa ginukdanay.

Nasayran nga nabulabog ang Talisay City Hall kagahapon sa udto human usa ka piniriso sa Cebu Provincial Dentention and Rehabilitation Center (CPDRC) ang mieskapo.

Ang piniriso giila nga si Cresencio Nadera Jr., hingkod ang panuigon nag-atubang og kasong paghupot og armas ingon man granada sa sala ni Regional Trial Court (RTC) Branch 66 Judge Jacinto Fajardo.

Kagahapon, gikatakda ang hearing ni Nadera sa Palace of Justice nga sud sa compound sa Talisay City Hall.

Matod pa nga human sa iyang hearing kuyog sa laing piniriso ingon man duha ka jail guard gipakaon pa kini sa guwardiya sa carenderia nga sulod ra usab sa compound sa City Hall.

Sigun sa asoy ni Juvy Cabansag, usa sa mga katabang sa carenderia, nga human sa ilang pagpangaon mibayad ang jail guard.

Nasayran nga gipaluagan kini og gamay atol sa pagpangaon sa dihang kahugtan na unta milugnot kini dayog dugan nga nagtiniil ug gihubo pa ang senina niini.

Hinugdan nga nahitabo ang ginukdanay tungod kay dakong tawo ang jail guard wa dayon kini makaapas apan adunay usa ka pulis nga sakop sa Minglanilla nga diha niadtong higayona nga niapil sa paggukod ug mao na kini ang nakadakop.

Si Arlene Cansana nga taga lungsod sa Minglanilla nga nakasaksi usa sa hitabo nibutyag nga nipasalba ang guwardiya apan wa mopatuo nipadayon gihapon kini sa pagsibat.

Nasayran nga apil usab sa migukod ang pipila ka mga civilian nga nakakita sa hitabo ingon man pipila ka mga kawani sa Talisay City Hall.

Human kini masikop tungod sa kalagot sa iyang kaubang piniriso nga mapagan siya sa silot tungod kay posebling ibartulina silang wala kini makapugong sa pagpatid ngadto ni Nadera.