Char ra kuno
Dear Noy Kulas,
I-hide lang ko sa name nga Charot kay hilig ko og charchar gud. Second year college pa ko karon pero galisod kay self-supporting man ko kay di kaya sa akong parents kay ordinary workers ra sila unya lima mi ka magsuon.
Pila ra may estorya, Noy, naka work ko sa usa ka mall. Ang akong free time maoy akong ieskwela nga oras. Maayo ang akong boss nako kay nakahibawo siya sa tanan nako nga story sa life kay nagsige siya og pangutana parte nako. Iya kong gitabangan sa uban nakong school ug uban pa.
Ug mao ni ron ang akong problema. Nanguyab siya nako kay nagkadugay kuno, nagkagrabe ang iyang feeling diri nako since that time nga nagkaila mi. Buotan ang akong amo kay matawag gani nga ander sa iyang asawa. Iyang asawa ang masunod tanan. Maluoy kong, Sir, magtan-aw kay usa ra ka sutsot, naa dayon.
Wa nako siya gibasted kay lagi, naluoy ko niya gatan-aw sa iyang life. Ako siyang giingnan nga akong huna-hunaon una. Daghan siya og promises diri nako. Pero wa ko maghuna-huna ining iyang promises. Naluoy lang ko kang, Sir, kay sa iyang kabuotan, naka asawa siya og needs sa maorag terorista kaisog.
Noy, ako kahang sugton si Sir nga pa char-char lang aron naa siyay kaestoryahan? Aron siya magtuo ba nga naa ko pirme niya. Unsay imong ikatambag sa akoa? Thank you. Charot,
Charot,
Kana ra bang kaluoy sagad ana mosangko sa gugma. Kon mahigugma ka na, lisod nang ilingkawas. Maayo unta kon ulitawo pa ang imong amo, okay ra. Pero minyo man, komplikado ang mamahimo nimong kinabuhi. Bisan unsaon ra ba, ang sagad sangkoan sa ingon niana nga relasyon, kana kon imong sudlan, komplikadong mga hitabo nga di nimo angay nga masinati kay kagubot. Wa pa ko makakitag relasyon nga malinawon basta ingon niana.
Just be friend sa imong amo. Pero butangi og utlanan aron di molapas. Unya, ayaw paubani og char-char kay basin unyag mata nimo, nasulod na ka sa problema nga di unta maayong sudlan sa sama nimong batan-on pa. Kon mahimo, pangitag kabalhinan aron di ka masulod sa mao nga relasyon ug kinabuhi nilang duha.
NOY KULAS