Gilas mohabwa sa tanang makaya sa Window 3

Gipanaad sa mga magduduwa sa Gilas Pilipinas nga ipagawas nila ang tanan nilang makaya sa Window 3 sa FIBA World Cup Asian qualifiers nga ipahigayon karong Hunyo.

Ang Gilas nakaambak sa Window 3 human nila gipangbuntog ang Japan, 8984, niadtong Dominggo nga nakahatag kanila og 3-1 nga rekord human sa nag-unang duha ka windows.

Ang Gilas usa sa 12 ka teams nga nakaabante sa Window 3.

Moasdang ang Gilas sa Chinese Taipei karong Hunyo 29 unya i-host sa mga Pinoy ang gikahadlukang Australia karong Hulyo 2 sa Philippine Arena.

“We have to find a way to get two more wins,” matod ni Gilas team captain Gabe Norwood sa interbyu sa Spin.ph.

“Hopefully, we take care of our business and make sure we have a slot in the World Cup.”

Dili lalim ang tahas nga sagubangon sa Gilas sa Window 3.

Ning-agi ang Gilas og kurat una nila napukan ang Chinese-Taipei, 90-83, niadtong Nobiyembre sa miaging tuig.

Unya niadtong Pebrero 22, ang Gilas nasugamak sa 6884 nga kapildihan batok sa Australia.

“Sa amin, sa paghahanda pa ang dapat naming pagtuunan ng pansin,” matod ni Calvin Abueva.

Dili ikalimod nga ang Gilas kuwang og panahon sa pagpangandaman ug maayo lang nga nakasugakod kini sa nagunang duha ka windows.

“Siyempre, go hard pa rin kami. Kailangan namin ‘yung panalo. Hindi pwedeng easyeasy lang,” asoy sab ni JuneMar Fajardo.

Malaumon ang Gilas kabahin sa ilang kampanya sa Window 3 hilabi na kay mobalik na og duwa ang ilang pambatong pointguards nga sila si Jayson Castro ug Terrence Romeo.

Sa kasamtangan, ang mga magduduwa sa Gilas moduwa una pagbalik sa ilang tagsatagsa ka team sa Philippine Basketball Association (PBA) samtang ang naturalized player nga si Andray Blatche mobalik sab sa iyang mother team Xinjiang Flying Tigers sa Chinese Basketball Association (CBA).