LEBRON MIKULIT OG KASAYSAYAN
Gituldokan ni LeBron James ang buwan sa Pebrero pinaagi sa lain niyang tripledouble nga nag-agak sa host Cleveland Cavaliers ngadto sa 129-123 nga kadaugan batok sa Brooklyn Nets kagahapon sa National Baksetball Association (NBA).
Nagpakatap ang four-time MVP og 31 puntos, 12 rebounds ug 11 assists aron irehistro ang iyang ika-12 nga triple-double ning maong season ug 67 sa kinatibuk-an.
“Scoring has always been last for me,” matod ni James, kinsa maoy MVP sa miaging All-Star Game.
“I’ve never looked at myself as a scorer. But to know the history of the game and seeing the guys that put up triple-doubles on a regular (basis) from Jason Kidd to Magic Johnson to Oscar Robertson to Russell Westbrook, you can throw my name in there as well.”
Si James nakaabot na sab og 8,000 assists sa kinatibuk-an. Siya ang labing unang magduduwa sa kasaysayan sa NBA nga nakatigom og labing minos 30,000 ka mga puntos, 8,000 assists ug 8,000 assists.
“With the long list of so many great players that have come through this league, in the history of this league, for me to be the only (person) in a category, I think it’s pretty cool,” matod ni James. “It’s pretty cool.”
Ang gikonsiderar nga hari sa basketball mao sab ang labing unang frontcourt nga magduduwa nga nakaabot og 8,000 assists ug ika-11 sa kinatibuk-an.
Ang Cavaliers ming-agi og grabeng pagpanghudlat sa Nets una nila naangkon ang kadaugan.
Nakapasulod og duha ka freethrows si Jarrett Allen aron hatagan ang Nets og 119117 nga labaw sa nahabiling 1:18 minutos.
Gitubag kini sa bag-ong sakop sa Cavaliers nga si Fil-Am Jordan Clarkson og three-point shot aron ihatag sa defending Eastern Conference champion pagbalik ang labaw, 120-119.
Wala ra malangan ug nabawi dayon sa Nets ang bintaha, 121-120, pinaagi sa runner jumpshot ni Allen Crabbe.
Nakaginhawa og luagluag ang Cavaliers dihang nakakompleto og three-point play si Rodney Hood nga maoy naghatag kanila og 123-121 nga labaw sa nahabiling 40 segundos.
Human niini, wala na buhii sa Cavaliers ang labaw hangtod na sa katapusang gutlo.
Si George Hill midugang og 26 puntos alang sa Cavaliers, niamot og 18 puntos si Kyle Korver samtang nitampo og 14 puntos matag usa sila si Clarkson ug Hood.
Sa laing mga duwa, ningdaog ang Charlotte Hornets batok Chicago Bulls, 118-103, Miami Heat batok Philadelphia 76ers, 102-101, Washington Wizards batok Milwaukee Bucks, 107-104, Portland TrailBlazers batok Sacramento Kings, 116-99, ug Los Angeles Clippers batok Denver Nuggets, 122-120.