MARIJUANA PLANTATION GIPANG-IBOT

Dul-an 3 mil ka punoan sa marijuana ang naibot sa mga sakop sa City Mobile Force Company (CMFC) sa Cebu City Police Office (CCPO) sa Sitio Mapa, Barangay Tagbao nga usa ka bukirang barangay sa siyudad sa Sugbo.

Nangulo sa operasyon mao si Supt. Timmar Alam, hepe sa (CFMC), human makadawat og taho gikan sa mga lumolupyo sa maong dapit nga dunay mga tanom sa marijuana.

Sa dul-an tres mil ka punoan sa marijuana, ang 1,285 niini fully grown ug 1,537 ka punoan ang mga linghod pa.

Wala hinuon sila makasikop sa nananom niini atol sa ilang operation apan aduna na silay gidudahan nga mag-uuma nga maoy nagtikad sa maong dapit.

Ang naibot nga mga punoan sa marijuana gi-turnover na nila sa Philippine Drug Enforcement Agency (PDEA)-7.

Samtang nasikop sa mga sa- kop sa City Intelligence Branch ug Drug Enforcement Unit sa CCPO ang duha ka bag-ong drug player sa Sitio Plastikan, Barangay Duljo Fatima, siyudad sa Sugbo atol sa buy-bust operation.

Ang mga nasikop mao silang Dominic Padilla Sy, 27, alyas Roger nga taga C. Padilla, Barangay Duljo Fatima; ug Loraine Gantuangco Magale, 34, taga Barangay Guizo, siyudad sa Mandaue.

Nakuha sa mga nadakpan ang 18 ka gagmayng pakete sa gituohang shabu nga mobalor og P8,496 lakip na ang P470 nga gituohang halin sa mga suspek.

Matod ni Chief Insp. Christopher Navida, hepe sa CIB sa CCPO, nga naka-monitor sila sa illegal nga kalihukan ni Sy nga maoy hinungdan nga ila ning gipanid-an.

Wala malakip sa ilang listahan sa mga drug personality si Sy tungod kay ilang gituohan nga bag-ong player sila

sa maong dapit.

“Itong dalawa Sir, mga newly identified drug personality ito sa area. Wala silang record kahit sa watchlist baka dating player na nag lay low,” matod ni Navida.

Nasikop ang duha pinaagi sa pag-abag sa mga opisyal sa barangay sa Duljo Fatima nga nitaho labot sa illegal nga negosyo

sa duha.

Niadtong Marso uno, nasikop usab atol sa buy-bust operation ang igsuon sa kanhi barangay konsehal sa Barangay Calamba sa siyudad sa Sugbo.

Ang nasikop mao si Nerio Gingoyon Ygonia, 40, alyas Badodo taga Barangay Ermita, siyudad sa Sugbo.

Nakuha sa suspek ang duha

ka dagkong pakete sa gituohang shabu nga gibanabana nga mobalor og P118,000.

Niadtong 2016, nasikop na usab si Ygonia sa kaso sa illegal nga drugas apan nakagawas.

Nalakip ang iyang ngan pinaagi sa text sa Bato Command Center nga usa sa mga dagkong drug player sa Barangay Ermita. /

/ TAMPO NGA HULAGWAY ■ puliS, BaraNGaY taNOD: Usa ka pulis ug mga barangay tanod kabahin sa team nga nironda sa plantasyon sa marijuana sa bukirang barangay sa dakbayan sa Sugbo. Ang hulagway gikan ni PSupt. Timmor Alam, hepe sa City Mobile Force Company sa Ceby City...