PAGPASA SA YAWE
Matag tungtong sa buwan sa Pebrero gawas nga kasaulogan sa buwan sa gugma, panahon usab kini nga gipaabot sa mga tinun-an sa
high school o junior high sa pagpahigayon sa tradisyonal nga Juniors Promenade. Kadaghanan moingon nga dili kumpleto ug exciting ang high school life kon di nimo masuwayan ang JS Prom. Mao kini ang higayon nga ang mga tinun-an sa Grade 9 ug Grade 10 magsul-ob og formal wear o gown alang sa mga babaye samtang tuxedo o coat and tie alang sa mga lalake dungan sa pakighugoy-hugoy ngadto sa ilang classmates ug schoolmates.
Sa maong dili makalimtan nga kalihokan, mapakita sa matag tinun-an ang ilang social skills pinaagi sa pagdala sa ilang tagsatagsa ka kaugalingon “with class ug confidence.”
Kini magsilbing unang angang sa ilang pagka ulitawo ug pagka dalaga inubanan sa responsibilidad isip gentlemen ug ladies.
Ang labing importante sa maong okasyon mao ang ceremonial nga pagtunol sa leadership sa Grade 10 students isip graduating class ngadto sa mga tinun-an sa Grade 9.
Niadtong Pebrero 10, 2018, ang University of Cebu Lapu Lapu – Mandaue (UCLM) nipahigayon og Juniors Prom sa Waterfront Cebu City Hotel & Casino, Lahug nga gipaluyohan sa Supreme Student Council (SSC) advisers nga sila si Glenn Manondo ug Julinutrie Sumalinog inabagan sa Basic Education Principal Gloria Deniega.
Ang program gibahin ngadto sa unom ka hugna gikan sa processional sa gibanabana kapin sa 500 ka mga tinunan nga gisundan sa program proper dayon ang panihapon, pagbasa sa Class Prophecy ug Class Legacy, sayaw, ang pagpanghatag sa mga award dayon ang closing ceremony.
Nakompleto ang gabii pinaagi sa pagbasa sa lainlaing mga mananaog sa Juniors Prom. /