Operasyon sa developer gisuspenso sa City Hall

Sugod kagahapon, ang Cebu City Government nisuspenso sa tanang mga proyekto sa usa ka private developer.

Kini human ang upat-ka-deck nga bunkhouse sa Archbishop Reyes Ave. sa Barangay Luz, nahugno kagahapon sa kaadlawon, nga nipatay sa lima ka construction workers.

Matod ni City Attorney Joseph Bernaldez, ang kompaniya nga nakarehistro ubos sa City Government mao angJE Abraham C. Lee Construction and Development Corp.

Kini nga kompaniya narehistro lang isip developer ubos sa City Hall business permit section.

“It is not registered as a construction firm. On the other hand, there is also an entity named as JE Abraham C. Lee Construction Inc. as contractor,” sulti ni Bernaldez

sa mga reporter.

Si Claire Cabalda, business permit and licensing section head,

niingon nga ang JE Abraham C. Lee Construction Inc. narehistro niadtong 1999 isip services ug

rental sa heavy equipment.

Apan sukad niadtong 2001 hangtod karon, ang kompaniya wa mo-renew sa iyang business permit, ug wa mobayad sa mga bayranan.

Wa usab kini mobayad sa retirement of business.

“The active permit registered is only JE Abraham C. Lee Construction and Development Corp. as developer. They have already renewed their permit as of this year,” nagkanayon si Cabalda.

KALAINAN

Unsay kalainan sa usa ka developer ug contractor?

Si Cabalda nipasabot nga ang developer maka-develop sa usa

ka dapit alang sa usa ka proyekto, wa kini magpasabot nga kini mao usab ang motukod.

“This would mean that they (developer) can’t build. These two different companies have different addresses. The developer’s address is at Barangay Basak San Nicolas, while the Inc. is at P. del Rosario St.,” siya nagkanayon.

Niini, si City Building Official Engr. Josefa Ylanan niiusyu og

suspension order alang sa upat ka mga proyekto nga gihimo

sa mao nga developer. “Our inspector said there are four projects. I wanted to be sure. There’s one in IT Park, Pag-ibig area, Lahug and another one that has yet to be checked. All projects undertaken by Abraham Lee will be suspended,” siya nagkanayon. Gipasabot ni Ylanan nga importante

sa mga kompaniya nga mangayo og building permit sa ilang tanang mga estruktura, lakip na ang bunkhouses.

Matod ni Bernaldez nga ubos sa National Building Code, nga bisan unsa nga estruktura nga tukuron nagkinahanglan og building permit.

Bisan unsa nga gidak-on sa estruktura, gikinahanglan kuhaan kini og building permit gikan sa siyudad o municipal government, siya nidugang. Sa kaso sa pagkahugno sa

bunkhouse, gitukod kini nga

duna lay steel bars ug ubang light materials.

“Even if it’s just steel bars, you’re supposed to secure building permit. Remember, it’s going to be used by people. Safety of the people using the structure is the concern of our government authorities,” pasabot ni Bernaldez.

Si Ylanan niingon nga normal alang sa construction firms sa pagtukod og bunkhouses sa project site nga magsilbeng temporaryong kapuy-an sa mga trabahante atol sa breaktime.

Apan kon ang dapit sa construction site limitado, ang firm gikinahanglang mopapuyo sa ilang mga trabahante sa laing dapit.

Ang bunkhouse, gikinahanglan nga mapuy-an ug naay naandang mga gikinahanglan isip temporaryong kapuy-an.

Apan sa kaso sa nahugnong estruktura, nakaplagan sa City Hall engineers nga ang

bunkhouse di angay puy-an. Gikataho nga gitukod nga way lig-ong pundasyon ug dunay gitas-ong upat lang ka mga tiil.