Unsaon paglungtad sa Open Relationship?
Unsaon nimo pagkahibawo kon ang “open relationship” para nimo? Sa mga wa nahibaw, ang open relationship nagpasabot nga bisan aduna na ka’y partner, apan ikaw ug imong partner nagkauyon nga mahimo gihapon ka’ng makighimamat og ubang binuhat. Sa artikulo ni Candice Jalili sa www.thecut.com, iyang gitagsa-tagsa ang mga rason kon alang nimo ug kon unsaon nimo nga molungtad ang open relationship.
1. I-pamilyar imong gisudlan
Daghang klase sa open relationships. Matod ni Dr. Elisabeth Sheff, sociologist, nga depende nimo kon unsa nga klase sa open nga relasyon ang inyong masabutan sa imong partner. Aron mas mahibaw ka kalabot niini, mas maayong mangutana sa mga nakasinati niini. Apan unsaon? Sa mga komunidad sa internet sama sa meetup.com.
2. Paghukom sa imong Gusto
Human ka makig-istoya sa ubang tawo mahitungod sa nagkadaiyang klase sa open relationships, pagpili unsay haom sa imong panginahanglan. Mas maayong istoryaan kini ninyo sa imong partner.
3. Siguradua nga nisud ka ini sa saktong rason
Kon nisud ka sa open relationship aron ma-ayo ang isyu sa imong kasamtangang relasyon, di kini mogana. Tarunga ang mga isyu sa imong kasamtangang relasyon apan ayaw pagdahum nga mausab kini sa bag-o.
4. Paghimo og guidelines uban sa imong partner
Kinahanglan nga aduna moy utlanan. Inyong isuwat ang inyong mga gusto ug inyong mga planong buhaton.
5. Hinumdumi nga di rule book ang inyong guidelines
Hunahunaa nga mausab ang utlanan sa mga tawo, sigun ni Dr. Sheff. Dugang niya nga mag-usabusab ni, maong mas maayo nga kanunay kini ninyong usbon. Mas maayo nga kini inyong suwaton aron malikayan ang kalibog.
6. Palambua imong communications skills
Mas maayong inyong istoryaan ang tanan aron mogana ang inyong gisudlan. Kon magselos ka diretso imbes nga mopadayag sa imong gibati, momugna kini og dugang drama ug kasakit sa tanan.
7. Di ni sayon ug pangayo og tabang kon nagkinahanglan ka niini.
Dakong hagit ang open relationship nimo ug sa imong partner, gamay’ng sipyat, mabuak gyud inyong relasyon. Kon gilisdan ka niini, mas maayo nga moduol og sex therapist o relationship coach aron matambagan ka sa imong maayong buhaton uban sa imong partner.