Patay ang pobre nga trabahante

Dili lang ang tagdumala sa Abraham Lee Construction ang manubag sa nahitabong pagkahugno sa ilang bunker house nga nahugno sa Cebu Business Park. Tungod sa panghitabo, namatay ang pipila sa ilang mga construction workers ug daghan ang nangaangol.

Trabaho sab kini sa kadagkoan sa Cebu City Hall labi na sa Office of the Building Official ( OBO), Department of Labor and Employment (Dole) ug uban pang ahensya sa gobyerno.

Tan-awa kon unsa ka iresponsabli ang Dole ug OBO wa makakita sa mga huyang nga straktora sa mga bunkerhouse.

Sa ka-abunda sa building construction sa siyudad sa Sugbo, nangatulog sa ilang trababo ang mga iresponsabli ang mga hingtungdan?

Unya na ra ba manglihok kining mga tonto kon duna nay disgrasya. Ug maayo raba unta kon mabalik ang kinabuhi sa mga nangamatay.

Nakulban og kaldero ang pamilya sa mga nangamatay. Sa usa ka pamilya daghan ang gipaka-on.

Unsa man karon nalang sab mo mag inspection nga aduna nay nadisgrasya ug nangamatay?

Mga iresponsabli mo ug way mga konsensya! Pagka maayo ninyong iapil sa pag impound sa mga sakyanan nga nakalapas sa counter flowing.

Kay wala giuna pagtan-aw ang kaluwasan sa mga trabahante!

BUHI PA ANG NPA

Para nako maka pa-alarma ang pagkasikop sa unom ka mga sakop sa mga batan-ong New People’s Army kon NPA.

Makasiguro ta nga wa mahibawo ang mga ginikanan niini kanila. Estudyante ug mga menor de edad ang uban kanila.

Maayo nalang kay way nakalas dinakpan sa wala pa masikop kay nahitabo man ang ingkuwentro tali sa militar.

Sukwahi sa hinanggaw nga kamandoan sa presidente nga pusilon ang kinatawo sa NPA.

Sa ilang pagkasikop maoy pagmatuod nga daghan sa mga kabatan-on ang anaa na sa kalihukan sa walhon.

Mga iresponsabli mo ug way mga konsensya!"