Makadani sa bata

Dear Atty. Joan,

Anaa mi silingan nga naay taas nga tubo sa ilang luna. Ang sa tumoy ani nga tubo sa pinakataas kay anaay imahe sa kartoon characters.

Kani sad ilang lugar kay abli ra kaayo sa publiko kay under

construction pa ilang koral. Usa ka adlaw nga tingtrabaho, nibisita akong anak sa iyang lugar kay nasuya ug pag-ayo sa mga kartoon karakter. Wa namalayan, ang katong tubo diay sa lugar kay makakurente. Nikatkat akong anak sa tubo ug nakuryentehan. Maayo na lang gani dali ra nakabuhi akong anak ug nakapalayo sa kuryente.

Makaingon ba ko nga sala ni sa akong silingan ang nahitabo sa akong anak?

Jabi

Dear Jabi,

Oo Jabi, mahimo nga anaa jud niy sala imong silingan kay iyang tubo nga gibutangan ug

cartoon characters makonsiderar nga puwerhisyong maanyag tan-awn sa mga mata sa bata- Attractice Nuisance.

Attractive Nuisance ang tawag sa mga makadaot nga hinagiban o aplayans nga naay probabilidad makasuya sa bata. Ang Korte Suprema miingon nga kung kinsa man gani ang magmintinar ug

attractive nuisance sa iyang luna ug wala mag-ehersisyo ug pagbantay o aksyon nga makapalikay ug duol sa bata sa pagduwa kay anaay responsibilidad sa kadaot nga mahitabo sa bata. Kini nga nga responsibilidad magpabilin maski na nga matawag ang bata nga trespasser.

Sa imong saysay Jabi, ang kartoon character sa tumoy sa tubo kay makaanyag jud sa mata sa bata. Mahulog nga mura siyag imbitasyon sa bata nga muduwa o muduol. Dungag pa sa imong saysay, abli ra ang luna sa imong silingan.

Klaro nga walay gibuhat nga panagang imong silingan sa mga daotan nga pwedeng mahitabo. Tungod niining pagpabaya sa imong silingan sa mga possibilidad nga makadaot sa bata, siya naay tulubagon sa inyo ilabi na sa pagpamedikal sa bata.Atty. Joan