Patyon ang mga kriminal
Walay problema kon dili ibalik ang death penalty o silot sa kamatayon sanglit ang kasamtangang administrasyon patyon ang mga kriminal kon mosukol ilabina sa kalambigitan sa drugas ug dagkong krimen nga dili tawhanon. Marso 7, 2017 napasar ang death penalty sa ubos balay-balaoranan (HB 4727) 11 ka tuig human gilibkas diin mipabor ang 216 ka mga kongresista ug 54 ang supak. Apan gipatay ang death penalty bill sa hawanan sa senado. Nag-apil- apil ang Amnesty International nga ang pagpatay usa ka crime against humanity. Misakay gilayon ang mga kritiko ni Duterte pagpadangat ngadto sa International Criminal Court sa samang higayon miabiba niadtong pastoral letter sa CBCP nga nawala ang bili sa kinabuhi, kagawasan ug demokrasya sa dihang gisugdan ang gubat batok drugas. Apan ang paglimpyo ni Pres. Rodrigo Duterte sa kapolisan nga nakahimog extrajudicial killings ug ang mando pagsilhig sa mga scalawags makapalingkawas kaniya sa internasyonal ug kriminal nga tulobagon.
Kadtong pagputol sa gahom sa kapolisan sa bisan unsang drug related operations ug pagbungkag sa tanang Anti-Illegal Drug Units maoy pagwagtang sa kasangkapan sa pangilkil ug pagpatay sama sa tukhangforransom sa Koreanong negosyante Jee Ick Joo sulod sa Camp Crame Sa Okt. 18, 2016.
Gitumbok sa maong krimen sila si SPO3 Ricky Santa Isabel, SPO2 Roy Villegas, Supt. Raphael Dumlao, Ramon Yalung, Gerry Omlang ug NCR-NBI nga sila si Ricardo Diaz, Jose Yap, Roel Bolibar ug Darwin Lising. Dunay bersyon nga nalambigit ang Korean mapia dinhi sa Sugbo nga giingong maoy nagkontrolar sa ginadiling drugas ug prostitusyon nga unayon pagbiktima ang mga negosyanting Korean human masikop ang usa ka Edward Yuon nga mikoliktag kwarta sa asawa ni Joo. Diha say gipatay nga Koreano sa amihanang Sugbo nga gipadalhan og mga polis sa Korea aron mainbestigar ug gipapauli ang mga Koreano ra usab nga suspek aron adto na siloti sa ilang nasod. Dalaygong tinguha ni Pres. Rodrigo Duterte ang paghashas sa mga abusadong tinugyanan kay unsaon paglimpyo kon mismo ang mga gisaligan mao ra sab diay ang nagbudhi kaniya. Human malimpyo ang ilang han-ay sa Dis. 5, 2017 gipabalik ni Duterte ang aktibong partisipasyon sa kapolisan sa pagpuhag sa mga sindikato sa drugas.
Ang PDEA nga kaniadto nakontrobersyal sa panapi maoy lead agency batok sa pagpanglutos sa drugas.
Wala na ba kaha kadtong peke nga PDEA nga kusog mangronda aron mangwarta?
Ang iyang pag-mold holistic, spiritual, political and sociological. Dili bag-o ang immersion para kang Myles. Kung nag immerse man siya sa mga mag-uuma sa Negros, unsa may dautan ana (Immersion is not new to Myles. If she immersed herself in the life of the farmer in Negros, what’s wrong with that)? - Grace Albasin
We’re going to stop his business, not only bunkhouse, we’re going to stop his business. They have not filed any building permit and he gets caught and he’s banned. These are the tax evaders.” - Cebu City Mayor Tomas Osmena