Tetchie Agbayani balik-serye sa GMA
MANILA - Sa kadugay ko na isip manunulat sa showbiz, aduna pa gyuy pipilang mga artista nga wa ko ma-encounter ug apil na niini ang former beauty queen turned sexy actress nga si Tetchie Agbayani.
Usa si Tetchie sa mga unang artista nga ako untang nahimamat tungod kay sa dihang nag-shooting ang pelikulang “Kamakalawa” directed by Joey Romero sa Dumaguete kaniadtong 1981, usa sa mga bida si Tetchie pero nasa pikas nga location si Tetchie, ang akong naabutan sa shooting si Christopher de Leon ug Raul Aragon lang nga parehong yummy sa mga panahon na yun.
Anyway, kaniadtong usang adlaw, nakita ko na sa katapusan si Tetchie. Nakatsikahan ko na medyo nitambok na siya pero maaninag pa ang iyang katahom.
May maanindot nga papel si Tetchie sa teleseryeng “Contessa” starring Glaiza de Castro nga magsugod na sa March 19 pagkahuman sa Eat Bulaga.
Happily married si Tetchie sa negosyanteng si Joey de Dios. Sa dihang nagsugod sa pag-artista si Tetchie, undergraduate siya pero sa dihang nagkaanak na siya, hangtud sa nagsugod na sila og schooling, nakapag-desisyon si Tetchie nga dunganan sa pag-eskuwela ang iyang mga anak. Nibalik siya sa pagtungha hangtod sa naka-graduate sa Kursong BS in Psychology hangtod sa nagtudlo siya sa St. Paul’s College.
Pero nilungtad lang og lima ka tuig ang pagiging teacher ni Tetchie. “Di ko talaga kaya, biro nyo.. manggagaling ako sa halos magdamagang taping tapos minsan ay dederetso na ako sa pagtuturo, ang hirap,” matod pa niya.
Sa kasamtangan, relax na lang si Tetchie although usa ka tuig sad kuno nga wa siya’y gawas sa telebisyon kaya na-miss niya ang akting.
Gipangutana siya sa press kung unsa’y iyang ikatambag sa bidang si Glaiza de Castro para mapaganda pa niya ang iyang craft. “Honestly speaking, wala akong maibibigay na acting pointers kay Glaiza. Noon pa man, bilib na ako sa kanya. Hinog na hinog na siya sa pag-arte, hindi na niya kailangan pa ng advice.”
“Dito Sa Aking Mundo” ang title sa theme song sa teleseryeng Contessa diin si Glyza de Castro mismo ang nikanta. Sa mga gustong makadungog sa maong kanta, just go to my YouTube Channel (Timmy Basil) og pangitaa ang video nga nikanta si Glyza./