Solar powered water system sa Siquijor

Usa ka solar powered water system ug 67 ka individual comfort rooms ang tubag aron mahimong ZOD ang Barangay Upper Cabangcalan, lungsod sa Lazi, lalawigan sa Siquijor.

Nikabat sa P1,941,474.00 ang kinatibuk-ang nga nabubo sa Department of Social Welfare and Development (DSWD) Kalahi-CIDSS sa naasoy nga barangay.

Napunduhan niini ang duha ka sub-projects: ang solar-powered water system ug ang 67 individual comfort rooms.

Ang bag-ong gi-turn-over nga 67 ka individual commfort

rooms mibalor ig P816.00 matag usa.

Samtang mikabat usab sa P1,125,474.00 ang balor sa solar

powered water system nga nakaserbisyo sa 107 ka mga balay sa barangay, wala pay labot niini ang mga tawo sa ubang barangay nga anha usab mokuha og tubig sa magong tangke.

Gipangahinaut ni Lazi Mayor James Monte nga tungod niini nga sub-projects sa DSWD Kalahi-CIDSS ug sa gihimo niining pag-edukar sa katawhan, mamahimo nang Zero Open Defecation and maong Barangay ug diin ma mintenar nila ang titulo nga Cleanest and Greenest Municipality sa tibuok probinsya sa Siquijor niadtong Septiyember 27, sa miaging tuig atol sa selebrasyon sa Araw ng Siquijor.

“Malipayon kaayo kami tungod sa gihatag nga pundo sa DSWD Kalahi-CIDSS, aduna nay pansayan ug tubig busa nanghinaut kami nga sa sunod validation mahimo na kaming ZOD”, ang asoy ni Gemma Lumingkit, Municipal Health Midwife.

/ TAMPO NGA HULAGWAY ■ MGA OPISYAL: Si Mayor James Monte ug si Vice Mayor Earl Aljas uban ang mga DOH representatives, ang DSWD Kalahi-CIDSS Municipal / Area Coordinating Team ug ang mga community volunteers atol sa pag-turn over sa comfort room sa Barangay Upper...

/ TAMPO NGA HULAGWAY ■ TANGKE SA TUBIG: Solar Powered Water System sa Upper Cabacalan, Lazi, Siquijor.