MAGNOLIA INILOG BATOK NLEX: PBA

Pasutoyon og suway sa NLEX Road Warriors ang ilang makasaysayong biyahe sa ilang pagpakigbatok sa Magnolia Ang Pambansang Manok karong alas 6:30 sa hapon sa pagsugod sa ilang best-of-7 semi-finals series sa Philippine Basketball Association (PBA) Philippine Cup sa Araneta Coliseum.

Ang Road Warriors, nga ningsulod sa playoffs isip No.6 squad, wala damhang ningbutlog sa No.3 Alaska Aces, 2-0, sa ilang quarter-finals best-of-three series aron pagabante sa semi-finals unang higayon.

Ang beteranong coach nga si Yeng Guiao, kinsa nagsugod lang og giya sa Road Warriors sa miaging season, nakauyon sa dagan sa ilang kampanya.

“We are embarking on an adventure. From here on we are sa labing like climbing Mount Everest,” ni Guiao sa PBA.ph.

“The odds are stacked against us, but that’s the way I’ve always wanted it. We are the gatecrashers in this party and we will enjoy this party more than the invited guests. Let’s see if we can make the summit or die trying. It’s all going to be worth it.”

Nagbabag sa agianan sa Road Warriors mao ang Pambansang Manok, nga ningdispatsar sa GlobalPort Batang Pier sa quarter-finals.

Nasayod si Magnolia coach Chito Victolero nga dili sayon buntugon ang Road Warriors ning puntoha gumikan sa maayong duwa sa duha ka mga guwardiya niini nga sila si Kevin Alas ug rookie Kiefer Ravena.

“NLEX is the hottest team right now. I think they’ve won six games out of their last seven. They are playing great right now,” ni Victolero.

Matod ni Victolero nga ang ilang malisod nga misyon mao ang pagpugong nila ni Alas ug Ravena.

“But we’re ready for the semis. We’re also motivated in this conference and I think this will be a dogfight. We just need to be mentally tough and physically ready for this (war),” dugang ni Victolero.