Bob Arum gitalikdan na ni Pacquiao?
Vintage Jomags nangulo sa kadaugan sa Vincyne v. Barili
Mismong si Manny Pacquiao ang mianunsyo sa nagkadaiyang media outfits sa nasod nga madayon ang ilang away ni Lucas Matthysse karong Hunyo 24 sa Malaysia.
Gibutyag sa Pambansang Kamao sa Pilipinas nga na-finalize na ang away diin suwayan niya pag-ilog ang World Boxing Association (WBA) welterweight title ni Matthysse, kinsa naggunit og 39-4, 36KOs nga baraha.
“It’s already final. I’m going to fight in Malaysia on June 24. It is against Matthysse. I’ll be ready for the preparation and it’s going to be 11 weeks,” matod ni Pacquiao, kinsa adunayh 59-72, 38KOs nga rekord.
Ang kanhi 8-division world champion wala mihisgot sa iyang dugay na nga promoter nga si Top Rank boss Bob Arum kon aduna ba kini kalambigitan sa promosyon.
Sa taho sa GMA News, ang MP Promotions ni Pacquiao makigtambayhayong sa Golden Boy Promotions ni Oscar De La Hoya ug dili sa Top Rank. Si Matthysse ubos sa pagdumala sa Golden Boy Promoptions.
Apan gipanghimakak kini ni Arum.
“That’s not true,” matod ni Arum sa interbyu sa www. boxingscene.com.
Giangkon hinuon ni Arum nga posibleng mahitabo ang away nila ni Poacquiao ug Matthysse apan puywede sab nga iparang si Pacquiao kang Jose Ramirez kon midaog si Ramirez batok kang Amir Imam sa inilugay sa World Boxing Council (WBC) super lightweight title karong Marso 17 sa Las Vegas.
“They’re hoping to do a deal in Malaysia,” matod ni Arum. “I haven’t been handling that deal. They’ve been handling that deal themselves. Hopefully the money, in the form of a deposit, turns up. Matthysse is one of the guys that Manny is thinking about fighting. There are others.”
Gipasabot ni Arum nga ang Malaysia nga away wala pa'y klaro.
“The Malaysia part is up in the air. I don’t know these Malaysian people. If they put up the money, it’ll happen, happily. But do I know whether the money will be put up? No, I don’t. It’s as simple as that,” dugang ni Arum.
Sa sayo pa, si Arum mitanyag kang Pacquiao nga makigaway kang Mike Alvarado isip supporting world title fight nila ni Jeff Horn ug Terence Crawford sa Las Vegas.
Mga duwa karon:
7:00 pm - Buanoy/Vincyne Trucking vs. CIT Wildcats 8:30 pm - Aliwanay
vs. Asturias
Ang paglabni sa ikaduhang kadaugan maoy tumong ug tuyo sa Buanoy/Vincyne Trucking karong gabii sa dihang ilang ikabagat ang CIT Wildcats sa nagpadayon nga 2018 Barangay Arpili Fiesta Cup sa Arpili Sports Complex sa lungsod sa Balamban.
Ang Trucking Specialists, milubong sa Barili, 116-91, sa niaging Sabado ubos sa pagpangulo sa beterano ug play- ing coach Jojo 'Jomags'Maglasang nga may 19 puntos.
Sa first half, nakahatag pa og igong kombati ang Barili nga gipangulohan ni Dela Cerna apan nagsugod ang dominasyon sa Buanoy sa tungatungang bahin sa third quarter human sa tres ni Maglasang nga maoy nagduslit sa rally.
Maayo usab nga nakasuporta sila si Napaoug Janjan Auditor nga may tag 16 ang matag usa, Rey Suerte ug Bagli Delator nga may 12 ug 11 puntos.
Sa sayo pa, ang Tuburan mikusokuso sa Aliwanay, 111-95, aron usab paglangkat sa ilang unang kadaugan.
Buanoy/Vincyne Trucking (116) - Maglasang 19, Napao 16, Auditor 16,Segumpan 13, Suerte 12, Delator-11, Butohan 10, Albina 8, Lao 5, Aguire 3, Juliane 3. Barili (91) - Ongio 23, Dela Cerna 19, Ludivice 18, Villacencio 8, Seletona 7, Bayaton 5, Fernandez 4, Langbid 3, Villacencio 2, Jorquia 2.