GIPATAY SA IYANG 2 KA MGA SILINGAN

Dakong tabang sa kapulisan ang ordinansa sa dakbayan sa Mandaue nga nagdili sa mga nagmotor nga magtabon sa ilang nawong.

Kini maoy gibutyag ni Police Regional Office (PRO) 7 Regional Director Chief Supt. Robert Quenery sa dihang nahinabi sa mga tigbalita.

“That’s favorable sa amin sa law enforcement kasi nga madali silang (criminal) maidentify pagka-nakikita yung mukha nila. It will solve crimes for those suspects who are using motorcycles in the perpetrations of their criminal acts. It would help really our police officers particularly our investigators,” ni Quenery atol sa iyang pagbisita sa Mandaue sayo ning semanaha. Ugmang adlawa, sugdan sa Traffic Enforcement Agency

of Mandaue (TEAM) ang pagpanakop sa molapas unya sa

ordinance number ordinansa no. 98-2017 nga nagdili sa pagsul-ob og bonnet/balaclava, skimask, head dress o bisan unsa nga makatabon sa dagway sa drayber sa motor ug angkas niini samtang nagdagan sa kadalanan sa dakabayan.

Atol sa ilang implementasyon sa ordinansa, ang TEAM nihimo una og information campaign kalabot sa maong ordinansa sud sa kapin usa ka semana.

Ang maong balaudnon nakaangkon og daghang negatibo nga mga reaksyon sa netizens sa

social media nunot sa concern sa panglawas, kaabog sa mga dalan sa dakbayan ug uban pa.

Apan gibarugan ni Mayor Luigi Quisumbing ang iyang desisyon nga istriktong ipatuman ang ordinansa alang

sa seguridad ug kaluwasan sa tanan ug aron nga dali makuha ang hustisya sa mga pamilya sa biktima sa mga pagpamusil diin sagad suspek nga riding in tandem, nagtabon sa ilang nawong.

“It’s one thing that nobody

likes until dunay mahitabo and

all of a sudden mangutana tanan nganong way gibuhat ang gobyerno. Para namo it’s something to do to keep the people safe,” ni Quisumbing mahitungod sa maong ordinansa.

Karong adlawa gikatakdang mahuman ang information campaign sa Team sa mga motorista usa sila manakop ugma.

Base sa ordinansa, ang mga molapas niini makamulta og P5,000 o pagkapriso gikan sa unom ngadto sa usa ka tuig.

LAPU-LAPU

Sa laing bahin, nasuta ning mantalaan nga sa wa pa ang ordinansa sa Mandaue city, adunay susamang ordinansa nga giaprobahan na sa Dakbayan sa Lapu-Lapu niadtong 2009, apan wa istriktong gi-implementar.

Ubos sa ordinansa 206-2009, ginadili ang pagsul-ob og tinted nga helmet, bonnet ug masks nga makatabon sa nawong sa nagdrayb og motor.

Si PS Insp. Judith Besas, deputy chief for operations sa Lapu-Lapu City Police Office niingon nga makatabang sa pagsulbad sa krimen ang maong ordinansa ilabi na nga sagunson ang kaso sa pagpamusil-patay sa dakbayan diin ang malambigit mga riding-in-tandem.

Naalarma si Besas tungod kay sukad sa pagsugod ning buwan, unom ka ka mga kaso ang natala sa LLCPO sa mga gipusil -patay diin ang duha sa kaso natala lang sud sa duha ka oras niadtong Biyernes.