Dela Peña nangayo og despensa sa trapik sa SCR

Pangulo sa City of Talisay Traffic Operation Development Authority (CT-TODA) mihangyo sa mga tawo sa pagsabot kon makasinati man og grabeng kahuot sa South Coastal Road (SCR) human nga paagion na ang mga jeep depasaheroan nga nagbiyahe sa Talisay sugod karong Miyerkules sa sunod semana.

Si Engr. Almond Keith Dela Peña, panglo sa CT-TODA, niingon nga nagkasabot na sila mga opisyal sa Talisay ug ni Direktor Ahmed Cuizon sa Land Transportation and Franchising Regulatory Board (LTFRB) bahin sa plano.

Una niini, si Mayor Tomas Osmena sa dakbayan sa Sugbo nipahibawo nga plano karon niyang paagion sa SRP ang mga PUJ samtang gitrabaho ang tunnel sa N. Bacalso.

Matod ni Dela Pena nga si Cuizon nakigkita kanila niadtong Huwebes ug mihangyo siya nga usbon sa pipila ka rota nga agian sa mga sakyanan nga nagbyahe sa Talisay ilabi na Tabunok nga makaagi sa South Coastal Road habig sa Talisay.

Lakip sa plano mao nga paagion na ang mga PUJ nga gikan sa Pardo, dakbayan sa Sugbo.

Matod ni Dela Pena nga sigun sa gipahibawo ni Cuizon ngadto kanila, moabot sa 20 ka PUJ nga aduna’y rota Talisay samtang naa sab sa 20 ang Tabunok, apan wa siya masayod kon pila usab ka PUJ ang sa Pardo.

Giobserbaran ni Dela Peña kon unsay resulta niini sa SRP.

Si retired General Cecil Sandalo ug city Administrator Atty. Rudelyn Navarro mao nay nipahibawo niini ngadto ni Mayor Eduardo Gullas sa ilang nasabutan.