Direk Carlo J. audition karon
Sa mga mahilig mo-arti, nangandoy nga mag-artista ug gustong manimpalad sa showbiz, mao na kini ang inyong higayon.
Ang banggiitan ug award-winning movie director Carlo J. Caparas, nagkinahanglan og mga bag-ong talents para sa usa ka pelikula.
Karong ulahing bahin sa Marso, pagasugdan na og shooting ang binisayang pelikula sa makalilisang nga Chiong double murder nga nahitabo dinhi sa Sugbo niadtong 1997.
Si Caparas ug ang iyang anak nga si Isabelle Peach ang magtinabangay sa pagdirek niini. Karong adlawa, Dominggo, ipahigayon ang ikaduhang casting call/audition alang sa mga batan-ong gustong moapil sa maong lilas.
Ang gikinahanglan mga batan-ong babaye ug lalaki nga nagpangedaron gikan 15 ngad- to sa 25. Anha kini ipahigayon sa Handuraw Mango Square, karong ala-una sa hapon, sa mga enteresado text lang ni Sam C. sa numero 0932 277 8771.
Ayaw ninyo usiki ang higayon kay basin usa mo sa ma-swertihan ug mapilian nga mahimong artista, ay’g saba!
Sa loveteam nagsugod, nagka-ila, nagka-sood, nahimong close ug ang ending nagkahigugmaay.
Daghang loveteams nga atong nasaksihan ug nasundan nga susama ini ang dagan sa relasyon.
Human sa Jadine loveteam, karon ato na usab nasaksihan ang pag-angkon nilang “Joshlia” Joshua Garcia ug Julia Baretto. Matod ni Joshua, nagsugod ang iyang gibati sa dalaga sa dihang nag-shooting sila sa pelikulang “Vince Kath & James”.
Si Julia usab niingon nga si James diay ang iyang gipaabot ug destiny kini.
Bisan moingon ang duha nga way label ilang relasyon apan mapasigarbohon sila sa ilang gibating love sa usag-usa. Susama sa loveteam nilang Daniel Padilla - Kathryn Bernardo ug Enrique Gil - Liza Soberano, bisan wala silay kumpirmasyon apan makita nato nga tinud-anay ang ilang gibati. Si Ronnie Alonte ug Loisa Andalio kaha ang mosunod? Ay’g saba!