NAPUTOL SA 17
Gisanta sa host Toronto Raptors ang 17 ka sunodsunod nga pagsulbong sa Houston Rockets pinaagi sa pagrehistro og 108-105 nga kadaugan kagahapon sa National Basketball Association (NBA).
Ang Raptors, nga maoy labing unang nakaseguro og luna sa playoffs, gipangulohan sa ilang duha ka All-Stars nga sila si Kyle Lowry ug DeMar DeRozan.
Si Lowry nagpakatap og 30 puntos samtang nidugang og 23 puntos si DeRozan aron isaka ang rekord sa Raptors ngadto sa 48-17, labing taas sa Eastern Conference.
Nagpakatap si James Harden og 40 puntos apan kuwangan og gamay ang iyang paningkamot aron maagak ang Rockets, nga karon pa nakatilaw pagbalik og pilde gikan niadtong Enero 26.
Alang kang Harden, wala ra sila maapektuhi ang ilang moral ning maong kapildihan. Ang Rockets pabiling nag-una sa Western Conference bitbit ang 51-14 nga baraha.
“I don’t even feel like we lost. Same swagger. Nothing changed. It’s one game,” matod ni Harden.
Si Raptors coach Dwane Casey nalipay og maayo sa gipakita sa iyang mga batos gumikan kay natuman gyud niini ang ilang plano.
“My hat is off to our guys. They did everything we asked them to do,” asoy ni Casey. Ang Rockets naila sa ilang
gikahadlukang three-point
shooting apan ning kombatiha, wala kini mosaler.
Igo lang nakapasulod og siyam sa 27 ka mga three-point attempts ang Rockets, nga nakatupong sa labing gamay’ng
three-point shots nga ilang napasulod sa usa ka duwa ning maong season.
“That was our game plan, to keep them inside the 3,” matod ni Lowry. “We tried to take away one of their strengths.”
Sa 1st half, ang Rockets sulod sa siyam ka mga higayon nga nakaitsa sa three-point
land apan usa ra ang nasulod, timailhan sa hugot nga depensa sa Raptors.
“Early, we didn’t make our open 3s,” asoy ni Rockets coach Mike D’Antoni. “We didn’t have a whole lot of them, but we didn’t make them.”
Pinaagi sa three-point shot ni Harden, nakatabla ang Rockets, 102-102, sa nahabiling 2:10 minutos.
Apan gibuak ra sab dayon ni DeRozan ang panagtabla pinaagi sa iyang jumpshot ug gikan niini, minglahos na ang Raptors poingon sa kadaugan.
Ang finalists sa miaging season nga mao ang defending
champions Golden State Warriors ug Cleveland Cavaliers parehong nasugamak sa dagkong kapildihan.
Nagbiktima sa Warriors mao ang Portland TrailBlazers, 125-108, samtang ang nagkastigo sa Cavaliers mao ang Los Angeles Clippers, 116-102.
Sa laing mga duwa, ningdaog ang Detriot Pistons batok Chicago Bulls, 99-83, Indiana Pacers batok Atlanta Hawks, 112-87, Milwaukee Bucks batok New York Knicks, 120-112, Utah Jazz batok Memphis Grizzlies, 95-78, Washington Wizards batok New Orleans Pelicans, 116-97, Denver Nuggets batok LA Lakers, 125-116, ug Sacramento Kings batok Orlando Magic, 94-88.