Pwede friends lang

Dear Papa Joe,

Itago ko sa ngalan nga si Gies. Akong problema tungod sa naa koy naibgan unya naa say nanguyab nako. And then wala man gud koy feeling para niya. Iyang gibuhat tanan para sa akoa. Iyang gipakita nga seryuso siya nako. Pero unsaon naa man gud koy naibgan.

Ako siyang gisultigan nga kon pwede, friends ra mi. Pero nakonsensiya man gud ko, Papa Joe. Wa ko kasabot kon unsa ang akong buhaton. Unya naa man say naibog nako, friends ra man sad. Unya nag-promise ko nga dili na gyud ko mag-uyab-uyab kay sakit naa kaayo kon mosugot ko.

GIES

Gies,

Bawosbawos ra inyong pagbati. Ikaw nasayud kon unsa ang feeling ron sa naay naibgan pero wa ka naibgi. Mao sad na ang nabati ron sa nanguyab nimo nga wala nimo pansina kay gusto nimo friends lang.

Maybe, taas lang gyud ang imong standards sa mga lalaki ug nahaum lang ni sa imong naibgan ron. Nakonsensya ka kay naka feel gyud ka unsa ang feeling sa mahigugma sa wala mahigugma nato.

Well, dili man sad na sala nga mobalibad ka kay imo man nang katungod nga mamili. Unsaon man nga wala man gyud kay pagbati. Lain man sad nga padahumon nimo siya. Pero suwayi lang og palayo anang nanguyab nimo kay kon bation ka og kamingaw, basin naa kay pagtan aw niya. Pero natabunan lang sa imong standard sa usa ka lalake.

Sa imong side karon, ayaw lang sa pagsulti og patapos nga di naka mag uyab uyab. Basin masupo ka sa kahigayunan. Anyway, mas maayo sad unahon nimo ang pag-asenso sa imong kinabuhi sa di paka mosulod anang butanga.

PAPA JOE