Nahukman apan wala matuman
Office of the President misuspenso og 90 ka adlaw ni Deputy Overall Ombudsman Melchor Arthur Carandang human ipahibalo ang record sa deposito sa bangko sa pamilyang Duterte. Nakalaps sa Bank Secrecy Law ug gipanghimakak usab sa Anti-Money Laundering Council. Wala tumana ni Ombudsman Conchita Carpio-Morales kay sila ra sa Ombudsman maoy dunay katungod sa pagdisiplina sa ilang mga sakop.
Ombudsman Morales mipahamtang og dismissal order ni Deputy Speaker Gwen Garcia sa kaso sa gobernador pa kalabot sa pagtam-ok og anapog sa Balili property nga giingong walay pagtugot sa provincial board. Wala tumana ni House Speaker Pantaleon Alvarez kay walay hurisdiksyon ang Ombudsman sanglit bugtong ang ubos balay-balaoranan ang makadisiplina sa ilang mga sakop.
Ombudsman mipakanaug og dismissal order batok sa kanhi nagdumala sa Tesda ug karon Sen. Joel Villanueva kalabot sa anomalosong paggamit sa 10M pesos PDAF sa siya pay Civac Partylist representative. Wala tumana ni Senate Pres. Koko Pimentel kay bugtong senado lamang ang makadisilplina sa ilang mga sakop.
Ombudsman mimando sa pagtaktak sa serbisyo ni Rep. Rodrigo Abellanosa nga namatud-ang sad-an may kalambigitan sa scholarship program sa siyudad. Conflict of interest nga isip konsehal lakip nga mipirma sa MOA nga siyay tag-iya sa ACT. Si Philip Banguiran maoy mipasaka og kaso. Apan ang Sandiganbayan mi-dismiss sa kaso nga giduso sa Ombudsman. Gani ang siyudad mibayad sa 135M pesos ngadto sa ACT nga giiskuylahan sa mga scholars. Usab ang Court of Appeals mitugot kang Abellanosa pagpadayon sa serbisyo.
Ombudsman mitaktak sa serbisyo ni Tining Martinez isip kapitan sa Cayang ug ABC Federation ex-officio member sa provincial board. Kasong graft nga gipadangat sa Sandiganbayan kalabot sa anomalosong implementasyon sa 6M pesos fertilizer fund sa Bogo sa siya pay mayor diin ang maong gahin tipik sa 728M pesos fertilizer scam. Iregular nga pagpagawas ngadto sa mini nga foundation. Kauban ni Tining sa maong kaso ang kanhi Municipal Treasurer Rhett Minguez. Apan gibalik si Tining sa iyang katungdanan.
Lahi sab ang hukom sa Ombudsman nga ingon og namaligyag katahap ang timbangan sa hustisya. Gipalagpot si Dumanjug Mayor Gungun Gica sa kasong gisang-at ni kanhi Mayor Nelson Garcia. Kabahin sa pagkaon nga 11,435 pesos nga giusab ang resibo ngadto sa 21,435 pesos panihapon sa mga opisyal sa barangay nga nagsiminar. Gisilbi sa DILG sa Pebrero 15,2017. Dangtan og usa ka bulan gipabalik si Gica sa pwesto. Lahi kay nausban og hukom nga gipapahawa na gyod sa katungdanan.
Meron akong ginagawa’ng intervention dito na during rush hour makikita nyo yung pasukan nagkalat ang mga police natin. Nandyan ang mobile patrol. ”
-MCPO Director Sr. Supt. Roberto Alanas
Pulitika ra gyoy hinungdan nga namatay akong papa. Nganong selpon ra man ang gikuha? Basin tua didto ang tanang ebidensiya. Nganong gipatay akong Papa?”
Alexandra Mae Alicaway, anak ni konsehal sa Sn Fernando