11 ka football players lakip sa SAC-SMB '18 awardees
Makadawat og citations ang 11 ka mga Sugbuanon nga nakapakita og aksyon sa nagkadaiyang national youth football teams ug usa ka ka national champion sa Sportswriters Association of Cebu-San Miguel Beer Sports Awards karong Marso 26 sa Robinsons Galleria.
Si ER Orale, first-time national youth team member nga nakasulod sa U18 squad kauban si Pietrus Dakay, pasidunggan tungod sa iyang pagkahisakop sa team nga ningkombati sa Asean qualifier sa miaging tuig.
“Football is getting very popular these days and more and more kids are taking the sport. This means competition for spots in the national team is getting tougher, it’s fitting that SAC recognize these players for their achievement,” asoy ni outgoing SAC president Mike T. Limpag.
Si Jordan Jarvis sa Global Cebu FC, nga ningduwa sa Southeast Asian Games, pasidunggan sab kauban sila si Joaquin Buyco, Jacob Braun, Ivan Marcel Ouano, Jessie Semblante ug Josh Rupert Asignar.
Sila si Trizza Mae Musni ug Riza Mae Ugbaniel, kinsa ningduwa sa PHL Girls U15 team sa miaging tuig, pasidunggan sab kauban ang mga sakop sa Don Bosco Technology Center elementary football team, nga nagkampiyon sa Palarong Pambansa.
Sa football, ang mga hatagan og citations mao angv mga sakop sa Labangon softball team nga ningkampiyon sa Palarong Pambansa. Samtang sa swimming, ang mga pasidunggan mao sila si Frederick Chiongbian sa Cebu International School, Christante Veloso sa Paref Springdale, ug Johann Matthe Tubesa sa Sacred Heart School-Ateneo de Cebu, pulos gold medal winners sa Palaro.