Martinez-Gonzales Brokers, Agentes sa CCBI finals

Mag-abot ang MartinezGonzales Brokers ug ang Agentes de Aduana sa finals human kini tagsatagsa mipukan sa ilang kaatbang sa semifinals round sa 1st CCBI-Cebu basketball championships nga gipahigayon sa Barangay Tinago, dakbayan sa Sugbo.

Unang nasakmit sa topseed Martinez-Gonzales ang luna sa finals human sa ilang 91-66 nga kadaugan batok sa Port Seven Brokers nga maoy ilang ikapitong sagunson nga daog sa maong torneyo.

Sunod usab nga nalangkat sa second seed Agentes de Aduana ang ikaduhang puwesto sa championships pinaagi sa pagkulit og 85-75 nga kadaogan batok sa Aduana Brokers.

Sama sa naandan, balanseng atake sa MartinezGonzales maoy nahimo nilang mahait nga hinagiban diin upat sa ilang sinaligan ang nakahimog double figures.

Ang Port Seven Brokers gipangulohan nilang CCBI-Cebu president Israel Alin ug Raymart Calo kinsa parehong miposa og 19 puntos matag usa.

Samtang sa laing bahin, miburak og 32 puntos si Edwin Estorgio aron pangulohan ang Agnetes de Aduana. Puntos matag usa: Unang duwa: Martinez-Gonzales (91) Monares 14, Bensi 12, Arnoco 11, Niones 10, Alolod 8, Del Rosario 6, Aguiloz 6, Bedrijo 6, Agustinez 6, Gonzales 5, Delda 5, Laurel 2. Port Seven Brokers (66)--- Alin 19, Calo 19, Labana 11, Nudalo 8, Solis 3, Labrador 2, Legarte 2. Ikaduhang duwa: Agentes de Aduana (85) Estorgio 32, Vega 13, Jovita 10, Valenzuela 8, Zabate 8, Rongcales 7, Almerez 4, Segarino 3. Aduana Brokers (75)-Cabigas 23, Barral 20, Deniega 10, Mondin 9, Gastador 5, Carmen 4, Barte 4, Matugas 3, Lawas 3, Aurita 1.