SMB MOSUWAY'G TAPOS SA SERIES

Angkunon og suway sa three-time defending champions San Miguel Beermen ang unang lingkuranan sa finals sa ilang pagpakigbatok og balik sa Brgy. Ginebra Gin Kings sugod karong alas 6:30 sa gabii sa Game 5 sa PBA Philippine Cup semi-finals series sa Cuneta Astrodome.

Ang Beermen minghubog og maayo sa Gin Kings, 102-81, niadtong Huwebes sa Game 4 aron pagposte og 3-1 nga bintaha sa best-of-seven series nga gisaksihan sa duha ka basketball legends nga sila si Robert “Big J” Jaworski ug Ramon “El Presidente” Fernandez.

Gipasalig sa Beermen nga dili nila lung-an ang Gin Kings ug gusto nilang humanon ang series karong adlawa aron makapahuway sila sa dili pa ang finals.

“It’s a must-win game if we want to get a good rest before the finals,” matod ni San Miguel coach Leo Austria.

Giklaro ni Austria nga bisan sa dako nilang labaw sa series, dili sila angayang masobrahan sa pagsalig sa kaugalingon.

“Manageable yan,” matod ni Austria. “I was a part of the Shell team that blew away a 3-1 lead against Ginebra. At humarap na kami sa 0-3 deficit, and we won it. So anything is possible. Hindi kami pwedeng mag-relax.”

Matod ni Austria nga kinahanglan nilang mapagawas og balik ang nagdilaab nga enerhiya nga nagpadaog kanila sa Game 4 aron mahuman nila’g sayo ang series.

Alang sa Gin Kings, kinahanglan nilang kalimtan ang nahitabo sa Game 4 ug magtutok lang ning duwaa.

“We’re down but we’re not out pa,” matod sa sinaligan sa Gin Kings nga si LA Tenorio.

“We’re not going to quit nang ganun-ganun lang. We just have to really be focused on everything that we do. Kailangan namin na sobrang pulido kasi we cannot afford to make mistakes, especially against San Miguel.”

San Miguel (102) — Lassiter 23, Cabagnot 19, Santos 16, Fajardo 14, Ganuelas-Rosser 12, Ross 11, Espinas 4, Pessumal 3 Ginebra (81) — J. Aguilar 31, Tenorio 20, Cruz 9, Mercado 5, Caguioa 3, Caperal 3, Ferrer 3, Devance 2, Manuel 2, Mariano 2, Thompson 1.