MCCOLLUM, BLAZERS MITIPI NI LBJ, CAVS
Cleveland nahagsa sa ikaupat nga puwesto
Nasugamak sa laing kapildihan ang Cleveland Cavaliers, ning higayuna batok sa mainitong puwersa sa hosts Portland Trailblazers, 105-113, kagahapon sa National Basketball Association (NBA).
Si CJ McCollum maoy naghatag og grabeng labad sa ulo sa Cavaliers ug gipangulohan niya ang kadaugan pinaagi sa iyang 29 puntos.
Ang TrailBlazers, nga ningposte sa ika-11 nilang sunodsunod nga kadaugan, ningpahugot sa ilang paggunit sa ikatulong luna sa Western Conference dala ang 42-26 nga rekord.
Sa ilang bahin, ang Cavaliers ningkanaog sa ikaupat nga luna gikan sa ikatulo bitbit ang 39-29 nga rekord.
Ang Cavaliers nakapangudlat sa duwa dihang gipahak nila ang dakong labaw sa TrailBlazers ngadto sa tulo na lang ka mga puntos sa ulahing bahin sa duwa.
“It came at a time when we would have liked it not to come,” matod ni Damian Lillard, kinsa nidugang og 24 puntos alang sa TrailBlazer.
“We cut it really close. But you can’t complain about how you get it -- and we got another one.”
Ang Cavaliers gipangulohan ni LeBron James pinaagi sa iyang 35 puntos samtang nihatag og 19 puntos si Kyle Korver.
“We sustained our energy, we sustained our effort and we left everything out on the floor,” asoy ni James.
“Even being short-handed we still wanted to play the caliber of basketball we are accustomed to playing, and I think we did that.”
Ang TrailBlazers nakalabaw og 15 puntos sa 3rd quarter ug taodtaod sab kini nila naprotektahan una naka-rally ang Cavaliers.
Hinayhinay nga ningkamang ang Cavaliers sa pagpangulo nila ni James ug George Hill hangtod nga nakasikit sila pagbalik, 102-105.
Apan human niini, ningsutoy pagbalik ang opensa sa TrailBlazers ug minglahos na sila paingon sa kadaugan.
“We’ve had some teams make pushes but we’ve always kept it at eight, nine, so it wasn’t really dangerous. Tonight they cut it to three. And they did that with momentum, and with LeBron James on the floor,” dugang ni Lillard.
“So that’s a dangerous situation for us, but we got some bounces, we hit a few shots, made free throws down the stretch, and when we needed to get one or two stops we got them.”
Sa laing mga sangka, ning-
daog ang Toronto Raptors batok Indiana Pacers, 10699, Charlotte Hornets batok Atlanta Hawks, 129-117, Philadelphia 76ers batok New York Knicks, 118-110, Chicago Bulls batok Memphis Grizzlies, 111110,
Houston Rockets batok LA Clippers, 101-96, San Antonio Spurs batok New Orleans Pelicans, 98-93, Denver Nuggets batok Detriot Pistons, 120-113, ug Utah Jazz batok Phoenix Suns, 120-113.