AIRPORT GIULAN OG MGA GOLD BAR
Flight attendant natagak sa eroplano, patay
Patay ang usa ka babaye nga flight attendant human matagak sa eroplano nga padung nang molupad.
Ang babaye nga wa nganli sa report sa The Independent luwan sa Emirates Boeing 777 dihang aksidente kini natagak sa emergency door nga abli sa pasaheroang eroplano sa tarmac sa Entebbe International Airport sa Uganda.
Siya gidali og dala sa ospital sa Kisubi, apan nakabsan kini sa kinabuhi.
Matod ni Edward Zabonna, tigpamaba sa ospital, nga nakaangkon og mga bali ug samad sa nawong ug tuhod ang flight attendant.
Ang Emirates niingon nga nga padung nang molupad ang Boeing 777 sa Dubai niadtong Miyerkules dihang nahagbong ang babaye sa pultahan. /
Kapin sa 100 ka gold bars ang nangatagak gikan sa usa ka eroplano sa runway sa tugpahanan sa Siberia niadtong Huwebes.
Bag-ohay lang nakalupad ang Nimbus Airlines Antonov AN-12 cargo plane luwan ang mga tonelada sa mga bulawan ug plata sa runway sa Yakutsk, Siberia dihang kalit niabli ang pultahan sa cargo niini ug nangahulog ang mga kargamento. Ang mga gold bar gikan pa sa minahan sa Kupol sa Chukotka region sa Russia.
Sa report sa Siberian Times, moabot sa 9.3 ka metriko tonelada ang gibug-aton sa mahalong mga metal ang karga sa cargo plane.
Gikan nagpa-refuel ang eroplano sa airport sa Siberia dihang kalit niabli ang cargo door.
Sa report sa Agence FrancePresse, 172 ka bars ang nakuha sa runway nga motimbang ang tanan og 3.4 metriko tonelada.
Dugang sa report sa AFP, nakuha tanan ang nangatagak nga mga bulawan.
Nagtuo ang mga imbestigador nga wa mapahimutang og tarong ang mga kargamento hinungdan nga nangahagbong sa eroplano. /