BUGAS MAS MOMAHAL: GOK-ONG

NFA RICE BATI, MAHAL, ‘HUGAW’

Kon way buhatong intervention ang gobiyerno, gipaabot nga mas momahal ang presyo sa commercial rice sa kamerkadohan sa Sugbo, sumala sa usa ka opisyal sa Grain Retailers Confederation of the Philippines.

Si Erwin Gok-ong, presidente Grecon Cebu City North district, niingon nga nagkagamay ang supply sa bugas sa National Food Authority (NFA) ug limitado ang gibaligya sa kamerkadohan.

Ikaduha, matod niya, bati ang kalidad ug mimahal usab ang NFA rice hinungdan ang mga konsumedor labi na kadtong mamalitay og NFA rice, mopalit na lang og commercial

rice bisan kon mas mahal ang presyo.

Si Gok-ong nagkanayon nga naghinangat usab ang lean

months kun Hulyo, Agusto ug Septiyembre, diin magnihit ang ani sa mga humay, nga kon naa man, minos lang ang produksyon.

Siya nipasabot kon mas daghang konsumidor ang mopalit og commercial rice mas motaas ang demand niini ug mas momahal usab ang presyo.

"Ang role sa NFA is to stabilize the prices in the market. In the absence of competition, mosaka ang presyo sa commercial rice," pahayag ni Gok-ong sa pakighinabi sa Superbalita Cebu kagahapon.

Sa 35 ka tuig nga pagka-retailer ni Gok-ong, iyang naobserba-

han nga sa Agusto magsugod og mahal ang presyo sa commercial rice.

Iyang nalantawan nga mosaka ang presyo og P100 hangtod sa P200 ang matag sako o P2 ngadto sa P4 matag kilo.

Siya namulong nga sukad Oktubre hangtod sa Marso ning tuiga, nisaka na og P200 hangtod sa P250 ang matag sako sa

commercial rice kun P4 hangtod sa P5 sa matag kilo.

Suma pa ni Gok-ong ang labing barato nga commercial

rice nga broken rice nga gikan sa Manila kay gibaligya sa Carbon Public Market sa tag P42 ang matag kilo. Kon imported broken

rice kay P43 ang matag kilo. Siya nidugang niminos ang mamalit og NFA rice tungod sa bati nga kalidad sa bugas nga iyang gihulagway nga daghan og itom-itom, may nag-yellow o gitawag og pintik bahay.

Dili hinuon baho ang bugas apan ang ubang mga sako nga gisudlan niini, matod ni Gokong, kay abugon.

Si NFA 7 information officer

Olma Marie Bayno unang nipasabot nga ang gi-dispose nga sinakong bugas sa unang semana sa Marso kay nagedad og lima ka buwan nga kinahanglan nang i-dispose.

Si Gok-ong nipadayag nga hinay ang ilang halin sa NFA

rice karon.

Sigon niini sukad sila nipalit og NFA rice niadtong Marso 5, 2018, sa 100 ka sako nga ilang gipalit, 40 pa lang ka sako ang nahalin sa duha ka outlets nga iyang gidumala sa Carbon Public Market sud sa duha ka semana.

Kaniadto, matod niya, 200 ka sakong NFA rice ang mahalin sa duha ka semana.

Sigon niini daghan ang namalit og NFA rice kaniadto kay nindot og kalidad ug barato sa tag P27 ang kilo. Karon, tag P32 ang matag kilo.

Siya niawhag ni NFA 7 Director Procopio Trabajo II nga seguraduon nga stable ang NFA rice dinhi sa rehiyon.

"Dapat siya unta nagtan-aw. Dili siya moingon nga wa ko mahimo maoy sugo sa ibabaw," dugang ni Gok-ong.

Si Trabajo una nang nagdumili pagluwat og pamahayag bahin niini tungod sa giingong 'gag order' ni Presidente Rodrigo Duterte. /