Traysikol nga madakpan di na makuha

Mga traysikol nga nagdagan sa dakbayan sa Talisay gisusi kon aduna ba kini prangkisa.

Atol sa operasyon nga gilangkuban sa City of Talisay Traffic Operation Development Authority (CT-TODA) ug City Licensing Division, tulo ka kolorum nga traysikol ang gitanggong.

Si Engr. Almond Keith Dela Peña, pangu sa CT-TODA, nibutyag nga ang nadakpan nga traysikol nga kolorum ang di na makuha sa mga tag-iya.

Matud ni Dela Peña nga wala na gyud silay gitugtan nga makakuha og franchise karong panahona gumikan sa ilang pag-limit sa mga traysikol aron maibanan ang kahuot sa trapiko sa siyudad.

Si Joy Lastimosa, Inspector sa Licensing Office, nagkanayon nga tulo ka traysikol ang ilang nasakpan nga kulorom.

Siya nagkanayon nga daghan silang mga reklamo nga nadawat labot sa mga kolorum nga nagdagan diin di pud makatarunganon sa uban nga nag-antos sa pagbayad sa ilang franchise.

Nasayran ang renewal magbayad lang og P450 matag tuig samtang ang penalty sa malapas sa pagbayad muabot lang og P112.

Ang City Hall mitugot lang og kutob sa 1,800 apan sa pagkakaron hayan niabot sa 3,450 ang nagdagan nga traysikol apil na ang kolorum.

Gihimu ang pag-inspeksyon matag sulod sa mga traysikol diha sa temporary nga parkingan diha sa Barangay Tabunok.

Gumikan sa operation si Dela Peña nga mahinayhinay sa paghawan ang mga traysikol tungod kay ang mga kolorum magpanagana naman sa pagbiyahe.