FIRE SAFETY TIPS SA PREVENTION MONTH

Buwan sa Marso mao ang

fire prevention month apan bisan paman sa pahimangno sa Bureau of Fire Protection nga mag-amping kanunay ug magmatngon, aduna gihapo’y insidente sa sunog ang matala.

Ania ang pipila ka tips nga pahinumdom sa local government sa Cebu City.

Unsay buhaton kon aduna’y sunog?

1. Kalma lang ug ayaw karatol.

Kon mahimo isarado ang kwarto kon diin nagikan ang kayo ug isarado ang tanan purtahan sa imong paggawas. Makatabang kini aron malikaya ang dali nga pagdako sa kayo.

2. Kamang padung sa gawas.

Kon baga na ang aso, kamang padung sa gawas, tabuni ang ilong ug baba sa tuwalya o panapton nga gibasa.

3. Pagawasa ang tanan.

Ug ayaw ng pagbalik sa sulod hangtod moingon ang bombero nga pwede na mobalik. Ayaw pag-usik usik og panahon sa paghipos sa inyong mga butang.

Angay buhaton sa kusina

1. Ayaw biyai ang giluto.

2. Ibutang ang posporo sa lugar nga dili daling makab-ot sa mga bata.

3. Isiguro nga limpyo kanunay ang stove, tangtanga ang mipilit nga mantika niini.

4. I-check kon dunay hungaw o buslot ang LPG hose ug regulator.

5. Ilisi og bagong ang LPG hose ug regulator kon mihungaw na.

6. Kon magprito ug masilaob, ayaw boboi og tubig kay kini makapasamot sa silaob. Ang saktong buhaton mao ang pagtaklob niini ug basa nga panapton.

Angay buhaton sa sala

1. Ayaw himoang premanente ang paggamit og extension cord.

Likayi nga kini madat-ogan, matumban o masangit sa hait nga butang.

2. Ipalayo ang bestilador sa kurtina.

3. Ayaw na gamita ang bentilador nga depektoso o dili na motuyok.

4. Ipaayo dayon ang mga depektosong de keryente nga appliances.

5. Ibutang og sudlanan holder kon magdagkot og kandila.

6. Limpyohi ang inyong panimalay ug ilabay ang mga sagbot nga mga papel ug uban pang mga butang nga dali masunog.

Kon aduna’y sunog, tawag sa 160. /