Golfers, taekwondo artist lakip sa SAC-SMC awardees

Makadawat og major a- wards ang duha ka sumosulbong nga golfers ug multi-titled taekwondo jin sa Sugbo sa 36th Sportswriters Association of CebuSan Miguel Brewery Sports Awards karong Marso 26 sa Robinsons Galleria.

Gipangtumbok nga golfers mao sila si Peter Tyler Po ug Lloyd Jefferson “LJ” Go. Si Po midaog sa Philippine Amateur Match Play championship sa miaging tuig samtang si Go maoy napiling best player sa Big East Conference alang sa Seton Hall.

Ang manghod ni Go nga si Lois Kaye Go makadawat og citation sa iyang pagkasulod sa national team sa miaging tuig kauban sila si Junia Gabasa ug Weiwei Gao.

Ang jin nga hatagan og major award mao si McAvynger Alob, kinsa maoy mangulo sa awardees gikan sa taekwondo event.i

“Over the years, our taekwondo jins have consistently delivered medals every time they compete abroad and it’s a good testament of the level of competition of Cebu taekwondo. Every year also, we honor these athletes who excel internationally since they also are a source of pride for Cebu sports,” matod ni outgoing SAC president Mike T.

Limpag.

Si Alob nakadaog og gold medal sa team free style event sa 2017 World Taekwondo Hanmadang Championship ug silver medal sa team standard poomsae.

Nakakuha sab og gold medal si Alob sa individual freestyle sa Kimunyong Championship sa South Korea.

Ang tunolan og citations sa taekwondo mao sila si Lyan Llanto, Lee Navales, Aidaine Laza, Alyssa Llenes, Alexander Llenes, Johann Concepcion, Francis Arquero, Rinna Babanto ug Nica Garces.