BIG 3 MISING PERO GSW DAOG GIHAPON
Bisan wala ang ilang AllStar Big Three nga pulos adunay angol, ang defending champions Golden State Warriors nakamaneho gihapon pagpasawop sa hosts Phoenix Suns, 124-109, kagahapon sa National basketball Association (NBA).
Ang Warriors, nga ningkombati nga wala sila si Stephen Curry (tiil), Kevin Durant (gusok) ug Klay Thompson (kumagko sa kamot), ningpakita kon unsa ka lawom ang ilang puwersa ning sangkaa.
Si Quinn Cook, kinsa maoy nipas-an sa gibiyaan nga obligasyon ni Curry, nagpakatap og career-high nga 28 puntos aron pangulohan ang kadaugan diin 16 niini iyang gimugna dihang ningdominar ang Warriors sa 3rd quarter. “This is definitely one to feel good about,” matod sa bugtong All-Star nga nabilin sa Warriors nga si Draymond Green, kinsa niamot og 25 puntos ug 11 rebounds alang sa Warriors.
Maayo sab nga nakaduwa alang sa Warriors mao si Nick Young, kinsa nitampo og 20 puntos. Aduna pa’y laing upat ka mga magduduwa ang Warriors nga nakahimo og dobleng numero nga puntos.
Ang ilang Big Three nag-
average og 73 puntos ug natapakan kini sa Warriors pinaagi sa panagtambayayong sa tanan nilang nahabilin nga ginsakupan. “I call Draymond the heartbeat of our team for a reason,” matod ni Warriors coach Steve Kerr.
“When he is out there doing what he was doing tonight, playing with that kind of energy and focus, he is tremendous and leads our team no matter who’s out there.”
Ang Warriors, nga nakaseguro nang daan og luna sa nagkaduol nga playoffs, ningsaka sa 53-17 nga rekord aron pahugtan ang paggunit sa ikaduhang luna sa Western Conference.
Ang Suns, nga nahagbong sa labing ilawom nga bahin sa Western Conference dala ang 19-52 nga baraha, gipangulohan sa ilang rookie nga si Josh Jackson, kinsa nimugna og career-high nga 36 puntos.
Ang Suns nakalabaw og 15 puntos sa 1st quarter apan wala nila kapugngi ang pagsutoy sa opensa sa Warriors sa 3rd quarter.
Ningdaog ang Milwaukee Bucks batok Atlanta Hawks, 122-117, Houston Rockets batok New Orleans Pelicans, 107-101, Washington Wizards batok In- diana Pacers, 109-102, Brooklyn Nets batok Dallas Mavericks, 114-106, New York Knicks batok Charlotte Hornets, 124111, Cleveland Cavaliers batok Chicago Bulls, 114-109.
Ninglampos sab ang Memphis Grizzlies batok Denver Nuggets, 101-94, San Antonio Spurs batok Minnesota Timberwolves, 117-101, Utah Jazz batok Sacramento kings, 103-97, ug Portland TrailBlazers batok Detriot Pistons, 100-87.