JAIL OFFICIAL GI-AMBUSH
SA NAG-ANGKASAY SA MOTORSIKLO; NATAPSINGAN, NAKADAGAN
Opisyal sa Bureau of Jail Management of Penology 7 (BJMP) 7 nga kanhi Jail Warden sa City Jail sa syudad sa Talisay, nakalingkawas sa kamatayon human banhigi sa riding in tandem kagahapon sa buntag sa eskina R. Duterte street ug V. Rama avenue, siyudad sa Sugbo.
Ang natapsingan sa tangkugo mao si Jail Inspector Edwin Sarcon, 53, taga Barangay Labangon, siyudad sa Sugbo.
Sa imbestigasyon sa Homicide Section sa Cebu City Police Office, tulo ka mga lalake nga sakay sa usa ka motorsiklo nitupad sa Isuzu MU-X (AEC 6613) sa dihang naka stop signal ang mga traffic light sa lugar. Ang duha ka mga backrider sa motorsiklo niikanaog ug nipusil kang Sarcon sa luyo ug sa driver’s side.
Bisan sa kakalit, nakahigayon pa sa paghupo si Sarcon aron kuhaon ang iyang service firearm, apan giingong nag
mal function ug wa moboto. Matod sa mga bata nga nakasaksi samtang naghigda sa asiras nga duha ka mga lalake nga nag jacketo ug itom ug dunay taptap sa nawong ang mga gunman.
“Duha ka tawo ang namusil sa sakyanan, naka jacket silag itom unya nagtaptap man to sa nawong sila. Dayon sakay silang duha sa motor paingon sa Calamba,” matod sa usa sa mga bata.
Human sa pagpamusil, daling nigawas si Sarcon sa sakyanan ug nidagan paingon sa mga tindahan sa merkado sa Banawa ug dayog dagan paingon sa ilang rehiyonal nga buhatan, diin siya nangayo og pakitabang.
Naangin usab ang usa ka gwardya nga miagi lang sa dapit padung sa iyang trabaho human maigo sa paa nga giilang si Franciso Almoradas, Jr., taga sitio Lomboyan, Andres Abellana Extension, Barangay Guadalupe.
Didto na sa Homicide Section ang asawa ni Sarcon apan wa pa mohatag og impormasyon sa kapulisan kon aduna bay hulga nga nadawat ang iyang bana. MGA ANGGULO
Duha ka mga angulo ang ilang gisubay, may labot sa trabaho isip kanhi jail warden sa syudad sa Talisay ug personal.
Matod ni Sr. Supt. Joel Doria nga ilang tan-awon ang sunod-sunod nga strafing sa City Jail sa Talisay sa dihang siya pa ang warden.
“Alam naman natin na may mga incident doon ng strafing. So, yung pinaka huli I believed na may mga wounded doon sa mga naka motor. So, tingnan natin yung anggulo. May possibility na kasama din dun,” matod ni Doria.
Upat ka mga basiyo sa kalibre 45, tulo ka mga basiyo sa 9mm pistol ug usa ka buhing bala sa kalibre .45 nga pistola ang nakuha sa Scene of the Crime Operation Section sa CCPO.
Duha na ka mga insidente sa pagpamanhig ang nahitabo sa syudad sa Sugbo.
Ang una mao si Ronda Vice Mayor Jonnah John Ungab usa ka buwan na ang nakalabay.
Tungod niini mimando karon ang hepe sa CCPO nga palambuon pa ang police visibility sa mga dapit nga taas nga crime volume ilabi na nga misaka karon ang kaso sa patay sa syudad.
Samtang si Mayor Tomas Osmeña niingon nga kinahanglan pang palig-unan sa kapulisan ang ilang intelligence gathering.