PATAY SA RECORD APAN BUHI DIAY
Pwerting kurata sa 63 anyos nga lalake dihang gideklarar siyang patay na bisan dako pa siyang buhi.
Si Constantin Reliu, 63, nakugang sa tibuok niyang kinabuhi dihang gipahibawo siya korte nga patay na siya.
Ang iyang asawa mirehistro kaniya nga patay na niadtong 2016 human wa siya mobalik sa Romania gikan sa Turkey diin nagtrabaho siya isip kusinero mosobra sa 20 ka tuig.
Sa taho sa metro.co.uk nagkanayon nga si Reliu nagproblema ning kombati niya sa korte aron iprobar sa mga awtoridad nga siya dakong buhi.
Nisamot ang iyang problema dihang ang korte sa dakbayan sa Vaslui wa mousab sa iyang
death certificate kay ang iyang hangyo awahi na kaayo.
Ang korte midesisyon nga ang ilang hukom pinal na.
“I am a living ghost,” matod ni Reliu nga gikutlo sa mirror. co.uk.
Nitataw siya nga opisyal na siyang patay bisan dako siyang buhi ug niini wa na siyay kita kay nalista man siyang patay na.
Nasuko si Reliu sa iyang asawa ug nagtinguha nga mobawos niini nga karon atua na nagpuyo sa Italy.
Matod niya nga wa siya makaseguro ko nadebursiyo siya o wala unya wa sad niya masayri kon naminyo naba sa la- in iyang asawa kay way nipahibawo kaniya.
Iyang gipasabot nga niadto siya sa Turkey niadtong 1992 ug nibalik sa 1995 apan nakugang siya sa ilang kaminyuon kay nagbinuang kaniya ang iyang asawa.
Niadtong 1999, nidesider siya nga mobalik sa Turker aron adto na mopuyo.
Niadtong Disyembre ang mga awtoridad sa Turkey mipriso kaniya nunot kay mi-expire na ang iyang mga papele ug gi-deport siya sa Romania niadtong Enero.
Apan dihang miabot siya sa Bucharest airport, gipahibawo siya sa border officials nga opisyal na siyang gideklarar nga patay ug gipaubos siya sa unom ka oras nga pagkwestyon ug pakisusi.
Gisukod ang distansiya sa iyang mga mata aron masuta kon nihaum kini sa iyang karaang hulagway nga anaa sa passport, gipangutana siya kabahin sa dapit nga iyang natawhan sama sa ilang munisipyo ug gitan-aw iyang fingerprint.
Apan ang mga awtoridad sa iyang lungsod sa Barlad wa makombinse.
Migahin siya og pipila ka semana aron agnihon ang mga awtoridad og isyuhan siyag mga papeles nga opisyal siyang buhi.
Si Reliu nagtinguha nga mosang-at og bag-ong kaso apan wa siyay kwarta ug nasakit siyag diabetes busa lisod kini sa iyang sitwasyon karon.
Gi-ban na siya sa Turkey sa tibuok niyang kinabuhi nga makabalik sa nasod busa nagtinguha siya nga mosuwat kang Turkish President Recep Tayyip Erdogan aron iapelar ang desisyon. /