RAPTORS NASUGPO
Westbrook naka-triple double na sab sa kadaugan sa Thunder
Bangis nga gimugna ni Russell Westbrook ang iyang ikalimang sunodsunod nga
triple-double aron pangulohan ang 132-125 nga kadaugan sa Oklahoma City Thunder batok sa hosts Toronto Raptors kagahapon sa National Basketball Association (NBA).
Ang kanhi MVP nagpakatap og 37 puntos, 14 assists ug 13 rebounds aron agakon ang Thunder, nga maoy nagputol sa 11 ka sunodsunod nga kadaugan sa Eastern Conference leader.
Nihatag og dakong suporta kang Westbrook mao si Steven Adams, kinsa nipupo og 25 puntos, niamot og 22 puntos si Paul George samtang nitunol og 15 puntos si Carmelo Anthony. “You’ve got to be able to keep your composure through it all,”
matod ni Westbrook.
“That’s what the game is all about. We’ve got a lot of veteran guys on this team who are able to do that.” Ang Thunder nagpabilin sa ikaupat nga luna sa Western Conference dala ang 43-29 nga rekord samtang nagpabilin sab gihapon sa liderato sa East ang Raptors bisan nahagbong sila sa 52-18 nga baraha.
“A big part of it tonight was our team’s poise,” matod ni Thunder coach Billy Donovan. “That was really important.”
Ang Raptors gipangulohan ni DeMar DeRozan pinaagi sa iyang 24 puntos samtang niamot og 22 puntos si Kyle Lowry.
Sila si DeRozan, Serge Ibaka ug Raptors coach Dwane Casey pulos na-ejected sa hinapos nga bahin gumikan sa grabeng pagreklamo sa mga referee.
Napungot og maayo si DeRozan dihang wala’y gitawag
nga foul dihang milusot siya sa depensa ni Corey Brewer sa nahabiling 30 segundos.
“He tried to smack me because I had a layup. I got
fouled,” batbat ni DeRozan. Human nila gitan-aw pagbalik ang video sa maong aksyon, nagkanayon si Casey
nga mosapaka sila og pormal nga reklamo batok sa mga referee.
“Officials are going to miss calls, but at the juncture of the game when some of the calls were made, we’ve got to get it right around the league,” batbat ni Casey.
“Not just this game, the entire league.”
Hinuon giklaro ni Casey nga dili ang mga referee kon dili ang iya mismong puwersa mao ang angayang mahayon sa ilang kapildihan.
“We made enough mistakes down the stretch also,” pasabot ni Casey. “We shot ourselves in the foot, missed easy shots, layups, free throws, turnovers.”
Sa Minneapolis, nimugna og 34 puntos ug 12 assists si James Harden aron agakon ang Western Conference leader Houston Rockets sa kadaugan batok sa hosts Minnesota Timberwolves, 129-120.
Nidugang og 16 puntos matag usa alang sa Rockets sila si Clint Capela ug Chris Paul.
Ang Rockets mingsaka sa 56-14 nga baraha samtang ang Timberwolves ningdakin-as sa 40-31 nga baraha nga nakadelikado sa ilang kahimtang.
Sa laing mga duwa, ningdaog ang New Orleands Pelicans batok Boston Celtics, 109-89, ug Portland TrailBlazers batok LA Clippers, 122109.