TINGUHA NI TOM: AGUIRRE MATAKTAK PAGKA-ABOGADO

Mag-atubang og kasong disbarment sa Korte Suprema si Justice Secretary Vitaliano Aguirre gumikan sa gipakanaog nga mga hukom sa Department of Justice.

Kini kon maduso na ni Mayor Tomas Osmeña ang iyang kaso nga giplano batok ni

Aguirre sanglit wa na makauyon ang mayor sa iyang mga desisyon.

“I am considering to file a case to disbar Secretary Aguirre. I really think this country is better off if he is disbarred,” pahibawo ni Osmeña kansang draft sa kaso giandam na sa iyang mga abogado.

Usa sa mga wa mauyoni sa mayor sa dakbayan sa Sugbo mao ang panghilabot ni Aguirre sa mga kaso nga gisang-at ni Osmeña batok sa mga kompaniya sa SM ug ang iyang pagpakaway sala sa mga gipasanginlan nga druglord nga

silang Kerwin Espinosa ug Peter Lim.

“He is creating a culture where he is very forgiving to the rich. If you are a druglord who is very rich, ahh, you are forgiven. That’s what I see,” dugang sa mayor. Si Osmeña nibutyag nga

gamhanan nga tawo si Aguirre gumikan sa posisyon nga iyang gihuptan apan di siya mahadlok ilabi na nga anaa siya sa husto.

“I’m scared but I want him to know I can shoot back. I think he is doing that because he thinks everybody is terrified of him. I’m terrified of him but I’m not scared,” padayag sa mayor. Iyang gipadayag nga nahanaw na ang iyang respeto sa pangu sa Department of Justice.

“I have no respect for him and I have no respect for what he is doing to his office and he does not deserved any.” dugang niya.