BJMP 7 hilom nga misusi sa pagbanhig sa jail officer

Mohimo og ilahang “discreet” investigation ang Bureau of Jail Management and Penology (BJMP) 7 kabahin sa nahitabo nga pagpangbanhig kang Jail Inspector Edwin Sarcon, 53, niadtong Lunes.

Samtang giseguro usab sa regional director Jail Chief Supt. Arnold Buenacosa pinaagi sa direktiba niya sa iyang personnel nga magbinantayon ug alerto kini sa ilang seguridad.

“It is the PNP who will investigate since it a case of frustrated murder. On my part a discreet investigation will be done on some angles as to the reasons why there was an attempt on his life,” nagkanayon si Buenacosa.

Dugang niiini nga huwaton usab nila ang imbestigasyon sa kapulisan gawas sa ilang kaugalingon nga imbestigasyon.

Nasayran nga nihangyo na diay si Sarcon sa regional director nga magpadestino sa regional office nila tungod kay gusto na usab kini moretiro.

Sa pakisusi sa Superbalita Cebu nasayran nga nasuspenso na kaniadto sa serbisyo si Sarcon sud sa usa ka tuig human kini naaresto sa paggamit og drugas.

Nahitabo kini sa wa pa kini madakpi niadtong 2003 human giingong nakuhaan og kapin 55 gramos sa shabu sa ilang panimalay.

Apan giabswelto kini sa huwes niadtong 2005 tungod kay matawag nga ilegal ang gigamit nga ebidensiya kay daw way bisan usa sa pamilya ni Sarcon ang nahimong witness sa sa gihimong search.

Matod ni Buenacosa nga wa siya mahibaw sa kasaysayan ni Sarcon tungod kay di paman siya ang regional director sa BJMP 7 kaniadto.

Apan posible nga usa kini sa tan-awon nila sa ilang imbestigasyon.

Samtang, kapulisan sa siyudad sa Sugbo mopalawom pa sa imbestigasyon human masuta nga niadtong 2003 nasikop si Sarcon sa gihimong pagpang ronda sa usa ka special unit sa Cebu City Police Office ug nakuhaan og illegal nga drugas.

Gisugdan na sa CCPO ang back ground investigation kang Sarcon.

Gitahasan ni P/SSUPT. Joel Doria ang City Intelligence Branch nga makig-alayon sa BJMP kon aduna bay hulga nga nadawat si Sarcon sa wa pa siya suwayi sa pagpatay sa tulo ka gituohang gun for hire.

Usa sa ilang subayon ang pagka deputy jail warden niini sa siyudad sa Talisay niadtong milabayng tuig diin dunay nahitabong insidente sa pagpangrakrak sa gawas sa bilangoan tungod sa giingong paghugot sa seguridad sa mga jail officers

Duha pa ka anggulo ang ilang gipatutokan sapagkakaron kini may labot sa iyang trabaho isip BJMP 7 officer ug ang personal nga motibo sa pagpamanhig.

Apan wa usab nila wad-a ang posibilidad nga drugas ang nagpaluyo human masuta nga niadtong tuig 2003 nahimong subject sa anti-drug operation nga niadtong tungora nag rango pa kini og Senior Jail Officer 3 si Sarcon sa mga sakop sa City Investigation and Intelligence Branch apan naabswelto kini pagka 2005 tungod sa teknikalidad.

“Kasama yan sa ating titingnan kung may involvement sya sa drugs ngunit sa ngayon sa ngayon nakita natin maraming angulo alam naman natin na pagka sa jail ka mag higpit ka dyan luwagan mo yan may problema” matod ni Doria.

Ang hepe sa Police Regional Office 7 nga si P/CSUPT. Robert Quenery mimando sa mga imbestigador sa CCPO nga patutokan ang himuon nga imbestigasyon labot sa kaso ni Sarcon.