Unsay imong preparasyon sa di pa manguyab og babaye?
Jesus Levy T. Dacera
Ako sa ilahon ang Batasan.
Ako ipa- feel nga comfortable siya nako. Ako siya suoron ug labaw sa tanan ako siya irespeto. Andam nako dawaton tanan bisag dili ko niya sugton.
Jay-R Cartin
Kwarta pinaka-una, dayun pakondisyon sa lawas: kaon og insaktu, kanang daghan og protein para og magkasinabot na, ahw, say dugayan kombati dayun. hahaha
Benedict Delos Reyes
Istrikto man jud akoang ginikanan. obserbahan sa nako ang babaye kung naa ba siya’y budget ikabuhi nako, ikapalit sa akoang gusto bahalag gwapa basta naay wheels, kanang mabinlan sa balay ug adunay bank account. Mao ra, simple ra kaayo jud.
Charles Imbong
I think pinaka-una nimu buhaton mag-ampo ka nga tagaan ka’g dakong kusog para sa pagpanguyab. Then dapat sad ka makahibaw if ready naba ka ug siya sa maong butang. Be patient enough to wait kung kanus- a ka sugton. Remember always nga dili tanan tubag “Yes”. So be ready sa outcome permi.
Fortunato Apostol
Susuhon ang kinaiya, pamatasan, pagka-relihiyosa, pag-atiman sa balay, limpyada, pagluto og pagkaon og pag-asikaso sa mga ginikanan. Sa akong side simple para presentable mamisita ko pangatahuran sa mga ginikanan kung pwede ba pamisitahan ang ilang anak ug mga igsoon. Syempre ang pamustora bisag dili bag-o ang sinina ug sapatos kinahanglan limpyo jud ta ug pahumot sad gamay, limpyo ang mga kuko sa tiil ug kamot. Labaw sa tanan andam kanang makigminyo kay aduna kay permanenting trabaho kaugalingon negosyo ug kaugalingon balay kapuy-an.
Aldrin Ople
Preparon ang kaugalingon ug isud sa alimpatakan nga once manguyab na there’s no turning back ug dapat ipabuhagay tanang gibati sa kanang bayhana. Bawal magtinorpe kay wa may mawala kung mosulti lang jud sa tinuod. Labaw sa tanan preparon nimo imong kaugalingon sa posibilidad nga ikaw bastidon wala may dautan ana, ang importante nasulti nimo imong gibati niya.
Junjie Patiluna
Andamon imong hunahuna. Think first kung angayan ba ka nga uyabon niya? O siya ba nga andam na kaha siya nga kaubanon nimo sa road to forever? Kay kaminyoun ang goal ani di kay karon ra nimo birigi.
Marc Trinidad
Sutaon usa kung tinud- anay ba gyud ang imung pagbati diha sa babae. Hinoktukan sa makadaghan para wala ni bisan kinsa ninyong duha ang masakitan sa umaabot nga mga adlaw.
John Renuel Luchavez
Akong i-preparar diskarte para masu-od nimo siya dayon, unya dapat pormal ka mo-atubang niya para di awkward ka tan-awon.