Diborsiyo sa Pilipinas
Bisan sa kaapiki sa panahon, padayon ang Ubos Balay-Balaoranan sa pag-aprobar sa usa ka resolusyon nga nag-oktaba sa piniliay sa SK ug Barangay elections.
Apiki kay hapit na sab sila mag-recess.
Gikan sa Ubos Balay Balaoranan, kinahanglan nga dunay parehas nga resolusyon ang Senado aron ang hiniusang resolusyon pirmahan sa Presidente usa pa kini mamahimong balaod.
Kon mapirmahan na kini sa Presidente, wala nay mahitabo pa nga piniliay sa SK ug Barangay elections.
Apan dugay na nga mipahibalo ang Senado nga dili sila pabor nga i-oktaba ang maong piniliay.
Buot ipasabot, bisan aprobado sa Ubos Balay Balaoranan, walay epekto kon dili mosugot ang Senado.
Tungod niini, ngano kaha nga gipadayon pa man gihapon sa Ubos Balay Balaoranan ang pagpalabang sa maong resolusyon nga dili man kini suportado sa Senado ug bisan gani ang Presidente dili man uyon nga i-oktaba pa ang piniliay?
Nindot ang balita nga dunay imbestigasyon nga pagahimuon si Environment Secretary Roy Cimatu ug si Neda Secretary Ernesto Pernia bahin sa mga negosyante nga nag-negosyo diha sa Panglao.
Gusto nila mahibaw-an kon nagsubay pa sa balaod ang mga negosyante diha sa Panglao. Kini ilang gihimo human mimando ug susuma nga imbestigasyon sa Boracay nga matod pa, nahimong hugaw (Ang kinatibuk-ang lindog ni Atty. Diputado mabasa sa http://www.sunstar.com.ph/ superbalita-cebu/opinyon/2018/03/20/ diputado-diborsiyo-sa-pilipinas-594606 ug nagpasagad lang sa kahimtang sa kinaiyahan.
Husto kaayo kining ilang gihimo kay mahibaw-an na gyod sa kadugayan ug kinsay nagsubay ug kinsay nagpabadlong.
Kining ilang gihimo usa kini ka tamparos sa mga opisyales sa Panglao.
Ngano man?
Tungod kay kon gihimo lang nila ang ilang mga trabaho, dili na unta moabot pa niini ang kahimtang sa Panglao karon.
Buot ipasabot, dunay nagpasagad ug dunay wala mobuhat sa ilang angay buhaton.
Trabaho man sa Opisina sa Mayor pinaagi sa Office of Building Official (OBO) ang pagseguro nga misubay sa National Building Code ang tanang mga negosyante nga magtukod ug building.
Gihimo kini pinaagi sa gahom sa OBO sa pag-isyo ug Building Permit.
Dunay mga angay buhaton sa dili pa makakuha ang aplikante ug Building Permit, sama sa pamaagi sa paghipos sa basura nga liquid o solid, apil na niini ang hugaw nga tubig nga gikan sa kasilyas o kaligoanan.
Dili moisyu ang OBO sa building permit hangtod dili makompleto ang mga rekisitos sa balaod.
Buot ipasabot, ang tanang mga nagtukod og building diha sa Panglao nga nakakuha og building permit gipaabot nga misubay sa balaod.
Kon nakakuha og building permit pero wa mosubay, buot ipasabot, dunay dakong binuang ang pag-isyo sa maong permit.