Go, Master Ekin pasidunggan sa SAC
Human niya gidawat ang perpetual trophy sa Golden Wheels Award, ang sumosulbong nga Sugbuanong karter nga si William John Riley Tiu Go mosaka na sab pagbalik sa entablado, ning higayuna aron modawat sa iyang pasidungog sa Sportswriters Association of Cebu San Miguel Sports Awards karong Marso 26 sa Robinsons Galleria.
“Go joins an elite list of young Cebuano karters we have honored for flying Cebu’s colors in national and international races like last year’s awardee Khaz Romoff and former awardees Jette Calderon and Matteo Guidicelle, who was our athlete of the year in 2005,” asoy ni outgoing SAC president Mike T. Limpag.
“Though the sport has taken a downturn lately, in the past two years, Cebu karting is pinning
its hope on young drivers like William.”
Gitunolan si Go sa Cadet Karter of the Year sa prestihiyusong award giving body human siya midaog sa Formula Cadet Expert Petron Ultron.
Si Go, kinsa usa ka first-time SAC awardee, pasidunggan og citation sa SAC Awards kauban si Vince Adrian Rojo, kinsa midaog sa Formula SL Expert XTRA.
Sa laing bahin, si Master Ekin Caniga hatagan og major award gumikan sa iyang pagtabang sa Mixed-Martial Arts sa Cebu pinaagi sa pagpahigayon og MMA promotions sa miaging tuig.
Kini maoy ikaduhang higayon nga matunolan si Master Ekin ning maong pasidungog. Si master Ekin, kinsa maoy founder of Yawyan Ardigma, usa sab ka inductee sa Philippine Martial Arts Hal of Fame.
Laing pasidunggan sa SAC mao si multi-titled Palarong Pambansa veteran Daniela Reggie dela Pisa, kinsa maoy bugtong hatagan og citation gikan sa gymnastics event.
Hatagan sab og citations ang Cebu Pink Paddlers, grupo sa breast cancer survivors, sa dragonboat, lakip na sila si Joel Barriga Jr., Carl Bernard Bejasa, Anton Pete ABellana, Dean Harvey Tungul, Tricia Merced Opon ug Elloise Carillo alang sa badminton./