SPURS GIAGAK NI ALDRIDGE
Nagkahayag ang tinguha sa hosts San Antonio Spurs nga makasulod gihapon sila sa nagkaduol nga playoffs human nila gipangmakmak ang defending champions Golden State Warriors, 8975, kagahapon sa National Basketball Association (NBA).
Ang Spurs mingsaka sa ikalimang dapit sa Western Conference bitbit ang 41-30 nga rekord apan grabe ka sikit ang inilugay og luna sa playoffs ning grupoha nga usa ka sipyat, puwedeng malabay og layo ang usa ka puwersa.
Ang mopatigbabaw nga walo ka teams sa Eastern Conference ug Western Conference mao ang makaabante sa playoffs.
Si LaMarcus Aldridge mikayod og maayo aron agakon ang Spurs sa Warriors, nga nakapanghudlat lang gihapon bisan padayong wala ang ilang Big Three nga sila si Stephen Curry, Kevin Durant ug Klay Thompson.
Ang Warriors, nga nakaseguro nang daan og luna sa playoffs, nagpabilin gihapon sa ikaduhang puwesto sa West karga ang 53-18 nga rekord.
Si Aldridge nagpakatap og 33 puntos ug 12 rebounds aron pangulohan ang Spurs, nga karon pa nakadaog batok sa Warriors sulod sa upat ka mga duwa ning maong season.
“I’m a leader, so I have to do what we need,” matod ni Aldridge. “Playing defense, blocking shots, scoring. It all comes with it.”
Nakalabaw og 16 puntos ang Spurs sa tungatungang bahin apan ilaha ra kining nausikan ug nailog pagbalik sa Warriors ang bintaha.
Hinuon si Aldridge nakamugna og lima ka sunodsunod nga puntos sa sayong bahin sa 4th quarter aron ihatag pagbalik sa Spurs ang labaw, 66-65.
Nagpadayon ang kainit ni Aldridge hangtod nga iyang napaburot ang bintaha sa Spurs ngadto sa 72-65 ug gikan niadto, wala na sila molingi pagbalik. Si Aldridge nimugna og 11 puntos sa 4th quarter. “He was a horse in that fourth quarter,” batbat ni San Antonio coach Gregg Popovich kabahin kang Aldridge.
“Obviously, it wasn’t a fair fight, but it just shows what kind of class they have and how well coached they are and how badly they want to be champions again. They played great and we picked the right five minutes to play really well at the end of the game.”
Nadungan pa gyud ang kalbaryo sa Warriors dihang nabun-og ang b bilahan nga bahin sa lain nilang pamba-
to nga si Draymond Green sa 2nd quarter ug wala na kini nakatiwas sa duwa.
“It’ll be fine,” pasalig ni Green. “I think it’s just something that’s kind of like at the peak right now, but it’s calmed down a little bit since it happened. It ain’t that serious.”
Ang Spurs, nga padayong ningkombati nga wala ang usa sa ilang labing sinaligan nga si Kawhi Leonard, naningkamot og maayo nga makasulod sila sa playoffs gumikan kay posibleng makabalik na’g duwa si Leonard ning panahuna.
Sulod na sab sa 21 ka sunodsunod nga seasons nga nakataak sa playoffs ang Spurs ug ilang gipaninguha nga dili kini maputol.
Sa laing mga duwa, ningdaog ang Cleveland Cavaliers batok Milwaukee Bucks, 124117, Indiana Pacers batok LA Lakers, 110-100, Philadelphia 76ers batok Charlotte Hornets, 108-94, Brooklyn Nets batok Memphis Grizzlies, 118115, Miami Heat batok Denver Nuggets, 149-141 (2OT), New York Knicks batok Chicago Bulls, 110-92, ug Detriot Pistons batok Sacramento Kings, 106-90.